عەزیز ئەحمەد حەمە : دوا ئاوات 
لێم گەڕێ ئیتر هەنگاوێک بنێم
بەڵکو سەرەنجام بگەمە لای تۆ
بەدوای سێبەرتا وێڵم ئەگەڕێم
بوومە خوڵامی قەدو باڵای تۆ
هیچ نەبێ ڕێگای خۆتم لێ مەگرە
بەڵکو بگەمە دەنگ و سەدای تۆ
من چاوەڕێت بووم کەتۆ ناهاتی
ڕێگەم بە بێمە حەوش و سەرای تۆ
تاکو هیچ نەبێت بەر لەمردنم
بۆتەنیا جارێ بێمە پەنای تۆ
لەدوای مەرگیشم لەسەر گۆڕەکەم
چنار بنێژن لەجێ ی باڵای تۆ
ڕۆحیشم دەفڕێ و دەبێتە چەتری
قەزا وەگێڕو دەردو بەڵای تۆ
