تەنیا محمد : لەبێتۆیدا
لەو هەژارە دەچم کە سیناریۆی لەتێک نانی گەرمیان
لێ کوشتووە !!
تۆ ناێیتوو کەلێرەش نیت
دڵم بەو هەموو خەونەوە ، بەو هەموو نەبونیەی تۆوە
بەرگەی ئەو بێکەسیە ناگرێت و
زوو زوو لەسنگم دەکەوێتە خوارێ و دەشکێت !
لەوساوەی تۆ لێرەنیت چاوەکانم بەسەرمەوە گیریان خواردووەو
بەرگەی بینینی
ئەو هەموو وێران بونوو
ئەو هەموو داڕمانەی من ناگرن
نایبینی کەلێرەنیت چۆن ڕوحم لەخۆم و
خۆم لەمن هەڵدێن !
نەدەستەکانم توانای کۆکردنەوەی
خاشاکی منیان هەیەو
نە ئەو هەموو زام و برینەی
لەبێتۆیدا منیان تەنیوە
ئاسەواریان عەمر کورت دەبێت !
بەخودا بێتۆیی وا دڵی شکاندووم
بەجۆرێ کردوومیە گاڵتەجاڕی ئەو هەموو خەمە
کە تەواو تاسەی تاوانێکی هێندە گەورە دەکەم
کەپێی ببرێمە سەرپەتی ئیعدام و پێم بڵێن ( دواین ئاواتت چیە ؟ )و
بڵێم : بەبەرچاومەوە لەسێدارەدانی ئەو مەخلوقەی
کەمنی گەیاندۆتە ئەو پەتە نەفرەتیەی کوشتن !
