نوچە
شەوی رابردوو (یەکشەممە 9-2-2020)، لە باکووری کوردستان، لە شاری وان، 49 پەنابەری نایاسایی لە مردن بەهۆی سەرماوە، رزگار کران.
بەگوێرەی زانیارییەکان، پەنابەرە نایاساییەکان، کە هێشتا ناسنامەیان ئاشکرا نەکراوە، لەناو دوو بەلەم لە ناو دەریاچەی وان گیریان خواردبوو، درەنگانی شەو رزگار کران.
بەپێی میدیاکانی تورکیا، قاچاغچییەکان ئەو پەنابەرانەیان بردووەتە ناو بەلەمەکان و پێیان گوتوون، کە دەیانگوازنەوە شاری بەدلیس، بەڵام لەناو بەلەمەکان بەجێیان هێشتوون.
