نامهيا نوشيروان مستهفا هنهک سهرکردێن کلاسيک ئينانه بيرا من
نزار پيرۆ
تایبەت بەنوچەنێت
ئهڤهى گۆڕان وهکو هێزهک سياسى هاتيه ناسکرن و بويه سونبلێ ئوپۆزسيونێ ل باشورێ کوردستانێ، نوشيروان مستهفا کو خۆ وهکو رێکخستيێ ڤێ بزوتنێ دده نياسين، ههردهم لتاريتيێ و لپشت پهردێ رێڤهبرنا بزوتنا گۆران کريه و وهحييێن خۆ، وهکو روهنکرن يان نامه يان گوتار ژ کهناڵ و دهزگههێن خۆ يێن راگههاندنێ شاندينه. ههتا دهرکهتنا وى لسهر دهزگههێن راگههاندنێ ژى دئاستهکێ کێمدا بويه، وه بتايبهت دساڵا ئێکێدا يا ژييێ گۆڕان.
کهسايهتيا نوشيروان مستهفا يا زاهد بۆ ماڵێ دنيايێ ههتا لوى دهمێ دگهل يهکێتى نيشتمانى کوردستاندابو، ئو پشتى راگههاندنا گۆڕان ژى، دجل و بهرگێن وى و دناڤ مالى و ئێکسسوارێن دناڤ بارهگاو بيروياويدا، يا بهرچاڤ بو.
تشتێ سهير ئهوه، قيافه و سهروبهرێ مودێرن يێ بهرلهمانتارێن گوران ههرگاڤ لبهرلهمانتارێن ليستێن دى بليستا کوردستانيژيڤه و لقيافهو سهرو بهرێ سهرکردايهتيا خۆ ژى، باشتر و پێش چاڤتربو. ئو بهروڤاژى بهرلهمانتارێن ليستا کوردستانێ دگهل حکومهتى و سهرکردايهتيا پارتى ديموکراتى کوردستان.
ببوچونێن من و وهکو ههمو بهرلهمانێن چيهانێ فهره تهلارا بهرلهمانێ کوردستانێ يا پێشکێش و بهرچاڤتربيت، ژ تهلار و سهرو بهرێ سهروکاتيا حکومهتێ و سهروکاتيا ههرێمێ، وه قيافهو سهرو بهرێ بهرلهمانتارى يێ بهرچاڤبيت و سيفهتهک رهسمى پێڤه دياربيت. بهرلهمانتار و بهرلهمانێن ووڵاتێن چيهانێ ئو ژوان نێزيکترين وولات بو ههرێما کوردستانێ کو ئيران و تورکيا يه ، بهرلهمانتار و تهلارو هۆڵا بهرلهمانێ ههيبهتهک مهزن ههيه دشێوازێ ئاڤاکرنێ و قيافا بهرلهمانتارىدا.
نامهيا نوشيروان موستهفا بۆ وان بهرلهمانتارێن گوران ئهوێن ئيمزا خۆ کرين لسهر دواکاريا تاپۆکرن و کڕينا ڤيلێن ئهو تێدا ئاکهنچينه شاشيهک مهزن بو، وه کێمکرن بۆ ژ کهسايهتيا وان بهرلهمانتاران، ئهڤه ژلايهکى. ئو ژلايهکێ ديڤه، بهرلهمانتار نوێنهرێ خهلکييه دبهرلهمانيدا و مافێ خهلکى بتنێ يێ ههى، لێپێچينێ دگهلدا بکهت.
ههروهسا مهرج نينه بهرلهمانتارێ ههر ليستهکێ ئهندامێ وێ پارتا خوديا وێ ليستێ بيت. پارت و لايهنن، داخازێ لکهسايهتيان دکهن کو رازيبن لسهر ليستا وان ببنه نونهرێن خهلکى، ئهڤجا چهوا ئهو نوێنهر وهکو کهرستێن تاقيکرنێ بهێنه بکارئينان، وهکو نوشيروان مستهفا دنامهيا خۆدا دبێژيت ئهو بهرلهمانتار دتاقيکرنا پهره و شوقادا نه دسهرکهفتيبون.
کێمکرنا موچهو ئيمتيازاتێن پلێن بلند کارهک پيرۆزه، ههروهسا خانهنشينکرنا ب پهرهيێن خهيالى بهرامبهر خزمهتکرنا سێ چار ساڵان، ئهوژى شاشييهکا مهزنه، بهلێ لێپێچين و موحاسهبهکرنا هنهک لبهرلهمانتارێن گۆران کو د ئهکتيڤ بوينه و گهلهک جارانژى بههايێن مهزن داينه بهرامبهر ههلويستێن خۆ دناڤ هۆڵا بهرلهمانيدا، ئهو بهرلهمانتار نه دههژى وێ چهندێنه، کو نوشيروان مستهفا وان بکهته قوربانى، بۆ زاهيديا کهسايهتيا خۆ بو ماڵێ دنێ.
warset.piro@hotmail.de
