به‌وێنه‌: ساڵى 2017 ئۆتۆمبیل ده‌فڕێت

نوچه‌ نێت
رۆژنامه‌ى شه‌رقولئه‌وست هه‌واڵێكى له‌باره‌ى ئه‌و ئۆتۆمبیله‌ بڵاوكردۆته‌وه‌ كه‌ به‌ ئۆتۆمبیلى فڕێو ناوى ده‌بات و ده‌ڵێ” له‌ساڵى 2017 له‌ بازاڕ ده‌فرۆشرێت”
كۆمپانیاى یوارى فۆكلیز كه‌ له‌ سلۆڤاكیایه‌, ئێستا سه‌رقاڵى دروستكردنى ئۆتۆمبیلیه‌كه‌ كه‌ به‌به‌نزینى ئاسایى كارده‌كات. سه‌ره‌تا ته‌نها بۆ ده‌وڵه‌مه‌نده‌كان ده‌بێت، له‌به‌ر ئه‌وه‌ى نرخه‌كه‌ى زۆر گران ده‌بێت و دواتریش هه‌موو كه‌سێك ده‌توانێ بكیڕێت. ئه‌و ئۆتۆمبیله‌ جارێ ته‌نها دوو كورسیه‌ و كۆمپانیاكه‌ به‌نیازه‌ له‌ ئایینده‌ دا دواى سه‌ركه‌وتنى له‌ فڕین بیكات به‌چوار كورسى. ئه‌و ئۆتۆمبیله‌ هه‌ر وه‌ك ئۆتۆمبیلێكى ئاساییه‌ و ده‌شتوانێت له‌هه‌ندێك شوێن بفڕێت. به‌ڵام ده‌بێت كه‌سه‌كه‌ مۆڵه‌تى فڕینى هه‌بێت!