ئه‌وانه‌ یه‌كه‌م كوڕ و كچ بوون له‌رێگاى ئه‌نته‌رنێته‌وه‌ زه‌واجیان كرد

نوچه‌ نێت
له‌م هه‌فته‌یه‌دا ژن ومێردێكى ئه‌مریكى به‌بۆنه‌ى بیست ساڵ به‌سه‌ر تێپه‌ڕبوونى زه‌واجه‌كه‌یان ئاهه‌نگیان گێڕا، ئه‌و دوو هاوسه‌ره‌ به‌یه‌ك كوڕ و كچ داده‌نرێن كه‌له‌رێگاى ئه‌نته‌رنێته‌وه‌ یه‌كتریان ناسیوه‌.
بیل شتراوس ناوى پیاوه‌كه‌یه‌ ته‌مه‌نى 76 ساڵه‌ كه‌چى ژنه‌كه‌ى ناوى فێردییه‌ و ته‌مه‌نى 73 ساڵه‌. ئه‌وان له‌سان فرناندۆ ڤالى له‌ویلایه‌تى كالیفۆرنیاده‌ژین و له‌ساڵى 1995 زه‌واجیان كردووه‌. وه‌ك ژنه‌كه‌ باس ده‌كات له‌ساڵى 1992 بۆیه‌كه‌م جار كه‌ ئینته‌رنێت بڵاو ده‌بۆیه‌وه‌ له‌رێگاى سایتى ماچ كۆم هاوسه‌رى ئێستاى ناسیوه‌ و دواى سێ ساڵ زه‌واجى له‌گه‌ڵ كردووه‌. وه‌ك ده‌رده‌كه‌وێت ئه‌وانه‌ یه‌كه‌م خێزان بن له‌رێگاى ئینته‌رنێته‌وه‌ بونیادنرابێت.