ئارسناڵ 25 ملیۆن یۆرۆی بۆ ئامادە کردووە.
نوچە.نێت:وەرزش
یانەی ئارسناڵی ئینگلیزی بڕی 25 ملیۆن یۆرۆی لەسەر حسبای بانقی تایبەت بە یانەکەی بۆ وەرزی گواستنەوەی هاوینەی داهاتوو داناوە بە مەبەستی گواستنەوەی گۆڵپارێزە گەورەکەی ئەڵمانیا.
ماڵپەڕی گۆڵی ئینگلیزی هەواڵی هەوڵە بەردەوامەکانی یانەی ئارسناڵی بڵاو کردەوە کە ئەو یانەیە دەیەوێت لەگەڵ دەستپێکردنی وەرزی گواستنەوەی هاوینەدا ڕاستەوخۆ کار بۆگواستنەوەو گرێبەست کردن دەکات لەگەڵ (مانوێل نویر)ـی گۆڵپارێزی ئەلمانی و یانەی بایرەن میونخی ئەڵمانی.
ئەو هەوڵەی ئارسناڵ لە لایەن چەند دەزگایەکی تری وەرزشی ئەو وڵاتە بڵاو کرایەوە،کە تێیدا سوور بوونی دەستەی کارگێڕی یانەکە ڕاگەیەندراوە کە بە هەر نرخێك بێت دەیانەوێت ئەو گۆڵپارێزە بگوازنەوە ڕیزی یانەی ئارسناڵ.
