یۆنایتد ڕکابەری دەست پێکرد و نرخەکەشی بەرزکردەوە.
نوچە.نێت:وەرزشی
سەرەڕای ئەوەی هەفتەی ڕابردوو مارکۆ ڕیۆسی یاریزانی ئەڵمانی و یانەی بۆرۆسیا دۆرتمۆندی ئەڵمانی ماوەی گرێبەستەکەی درێژترکردەوە لەگەڵ یانەی دۆرتمۆند،لەگەڵ ئەوەشدا کڕیارێکی سەرسەخت بۆ مارکۆ ڕیۆس دروست بووە.
یاریزان مارکۆ ڕیۆس لە لایەن زۆرێك لە یانە گەورەکانی ئەروپا و تایبەت ئیسپانیا و ئینگلتەراوە داوا کراوە،لە گرنگترین هەواڵیشدا یانەی مانچستەر یۆنایتدی ئینگلیزی بە گیرفانێکی پڕەوە هاتە سەرهێڵی کڕینی ئەو یاریزانە و ئامادەیە بڕی 67,5 ملیۆن یۆرۆ بۆ کڕین و بەدەستهێنانی ڕیۆس بداتە یانەی دۆرتمۆند.
دوای هاتنی لویس ڤان گال بۆ یانەی مانچستەر یۆنایتد و وەرگرتینی ئەرکی بەڕێوەبەری وەرزشی ئەو یانەیە،لەو کاتەوە تا ئەمڕۆ یانە گەورەکەی ئینگلتەرا لە هەوڵی بەدەست هێنانی یاریزانی ئاست بەرزدا ڕانەوەستاوە و تا ئێستاش چەندان یاریزانی گرنگی گواستووتەوە ڕیزی یانەکەی و لە ئێستاشدا دەیەوێت ڕیۆس بگوازێتەوە قەڵا سوورەکەی مانچستەر.
