توێژینه‌وه‌یه‌كی ئه‌مریكی: ده‌ستله‌ملانێ‌ ده‌رمانه‌

توێژینه‌وه‌یه‌كی ئه‌مریكی ئاشكرای كردووه‌ كه‌ ده‌ستله‌ملانێی كه‌سه‌ نزیكه‌كان وه‌ك ده‌رمانخانه‌یه‌ بۆ ته‌ندروستی و ده‌بێته‌ هۆی به‌هێزكردنی به‌رگری له‌ش و پاراستن له‌ ڤایرۆسه‌كان و نه‌هێشتنی شه‌كه‌تبوون
به‌پێی هه‌واڵێك كه‌ له‌ رۆژنامه‌ی قودسی عه‌ره‌بی بڵاوكراوه‌ته‌وه‌. باس له‌وه‌ده‌كات كه‌ توێژینه‌وه‌یه‌كی ئه‌مریكی له‌سه‌ر 400 كه‌س كراوه‌. ئه‌وه‌ی ده‌رخستووه‌ كه‌ ئه‌وكه‌سانه‌ی سه‌ره‌ره‌ی سه‌رمابوونیان به‌ڵام تووشی نه‌خۆشی نه‌كه‌وتوون، چونكه‌ ژینگه‌ی كۆمه‌ڵایه‌تیه‌كان به‌هێزه‌ و له‌ناو كه‌سوكاریان ده‌ژین. به‌شێكی زۆریش په‌یوه‌ندی به‌و ده‌ست له‌ملانێیه‌وه‌ هه‌یه‌ كه‌ رۆژانه‌ ئه‌جامی ده‌ده‌ن. ده‌ستله‌ملانێی و له‌باوه‌ش گرتن به‌پێ توێژینه‌وه‌كه‌ هۆكاره‌ بۆ باوه‌رخۆبوون و ته‌ندروستی ده‌روونی و جه‌سته‌یی.