نوچەنێت- روسیا تودەی
ئەستێرەناس و پێشبینیكەری فەرەنسی نوستراداموس، كە لە سەدەی شانزەهەمدا ژیاوە ، سەدان ساڵ دوای سەردەمی خۆی پێشبینی كردوە ، لەم دواییانەدا زانایان هەستان بە شیكردنەوەی پێشبینیەكانی كە 500 ساڵ لەمەوبەر تۆماری كردوون.
گروپێك لە لێكۆڵەران گەیشتنە ئەوەی چۆنیەتی ڕووداوەكانی ساڵی 2015 لەسەر بنەمای پێشبینیەكانی نوستراداموس بەمشێوەیە دەبێت:
بەپێی تۆمارەكانی ئەستێرەناسی بەناوبانگ ساڵزی داهاتوو پڕ دەبێت لە ڕووداوی ترسناك و ململانێی سەربازی و داهێنان كە ژیانی مرۆڤ بە شێوەیەكی ڕیشەیی دەگۆڕێت، نوستراداموس پێشبینی ئەوەی كردووە كە چوار سەرۆكی وڵاتە زلهێزەكانی جیهان هەوڵی تیرۆر كردنیان دەدرێت، هەروەها كڕكانی فیزۆف لە ئیتالیا سەرهەڵدەداتەوە و زەمینلەرزەیەكی بەهێز ئەمریكا دەهەژێنێت و قەیرانی دارایی زۆر مەترسیدار لە ئەڵمانیا و فەرەنسا ڕوودەدات.
هەروەها زانایان لە پێشبینیەكانی نوسترادامووسەوە ئەوەیان زانیوە كە گۆی زەوی تیشكی مەترسیداری زۆری بەردەكەوێت و دەبێتە هۆی مردنی مرۆڤ كە هێشتا لە تەمەنێكی بچووكدایە،لە لایەكی ترەوە نوستراداموس ئەوەی پێشبینی كردوە كە لە ساڵی 2015 دا دەگەنە ئەوەی دەرمانی دژە پیری دابێنن و تەمەنی مرۆڤ بەجۆرێك درێژ دەكەنەوە كە لە 200 ساڵ كەمتر نەبێت، هەروەها سنوردار كردنی مناڵبوون لە هەندێك وڵااتدا بە توندی پەیڕەو دەكرێت.
