كۆبانێ: داعش لە بەرامبەر چەكە قورسەكانی پێشمەرگە پاشەكشە دەكات
نوچەنێت-عەرەبییە
بەپێی راپۆرتی كەناڵی عەرەبیە، دوای گەیشتنی چەك قورسەكانی هێزی پێشمەرگە بۆ كۆبانێ، باڵانسی جەنگەكە گۆڕاوە و داعش لە پاشەكشەدایە.
ئەلعەرەبییە دەڵێت لە بەرەی رۆژئاوای كۆبانێ كە زۆربەی چەكە قورسەكانی پێشمەرگەی لێن، كورد لە پێشڕەویدان و داعش پاشەكشەی كردووە.
راپۆرتەكە دەڵێت دوای گەیشتنی ئەو چەكانەی پێشمەرگە، هێزە كوردییەكان چوست و چالاكییەكیان پێوە دیارە كە پێشتر بەو جۆرە بوونی نەبووە.
لە هەمان راپۆرتدا هاتووە كە لە بەرەی باشوور و رۆژهەڵاتی كۆبانێ داعش بەرگرییەكی توند دەكات، ئەویش چونكە هێشتا چەكی پێشمەرگەی كوردستانی وەك پێویست پێنەگەیشتووە.