خوولی ئینگلیزی یاری ئاگرین بە خۆیەوە دەبینێت
نوچەنێت:وەرزشی
ئەمڕۆ لە میانەی یارییەکانی هەفتەی خوولی نایابی ئینگلتەرا هەردوو یانەی مانچستەر یۆنایتد و یانەی چێڵسی لەندەنی لە نێو یاریگای “ئۆڵدترافۆرد”بە یەك دەگەن و یاری لووتکەی ئەم هەفتەیە ئەنجام دەدەن.
لە درێژەی یارییەکانی هەفتەی نۆیەمی خوولی نایابی ئینگلیزی،ئەمڕۆ کاتژمێر حەوتی سەر لە ئێوارە هەردوو یانەی چێڵسی و مانچستەر بەیەگ دەگەن لە نێو یاریگای”ئۆڵدترافۆرد”ی تایبەت بە یانەی مانچستەر یۆنایتد.
یانەی چێڵسی ئێستا بە کۆکردنەوەی 22 خاڵ لە پلەی یەکەم خوولی ئینگلیزیدایە و لای خۆشییەوە یانەی مانچستەر یۆنایتد خاوەنی 12 خاڵە و لە پلەی هەشتەمدایە.
یانەی چێڵسی ئەگەری هەیە بە هۆی پێکانەوە لە گۆڵکاری سەرەکی یانەکەی “دیێۆگۆ کۆستا” بی بەش ببێت بە هۆی نەخۆشییەوە کە گواسترابوویەوە نەخۆشخانە.
