شەیتانە بەناوبانگەکانی ئینگلتەڕا “دی یۆنگ”ــیان دەوێت
نووچەنێت:وەرزشی
دەستەی کارگێڕی یانەی مانچستەر یۆنایتدی ئینگلیزی ناسراو بە شەیتانە سوورەکان بەردەوامن لە ڕێکخستنەوەی یانەکەیان و ئەم جارە دی یۆنگ سەرنجی ڕاکێشاون.
“نایجەل دی یۆنگ”ی یاریزانی هێڵی بەرگری هەڵبژاردەی هۆڵەندا و یانەکەی شاری میلانۆی ئیتاڵیا،ئێستا بووە بە یەکێک لەو یاریزانانەی دەستەی کارگێڕی یانەی مانچستەر یۆنایتد لەسەر داوای لویس ڤان گالی ڕاهێنەری یانەی مانچستەر چاویان لە سەریەتی و لە گواستنەوەی زستانەدا پێ دەچێت ئەو یاریزانە پەلکێشی شاری مانچستەر بکرێت.
“دی یۆنگ”ـی تەمەن 29 ساڵ تا ئێستا ئاستێکی بەرز لەگەڵ یانەی میلانی ئیتاڵی پێشکەش دەکات و لە کۆتایی ئەم وەرزەدا گرێبەستەکەی لەگەڵ میلان کۆتایی پێ دێت،بۆیە گواستنەوەی بۆ مانچستەر یۆنایتد پێ ناچێت ئاستەنگی زۆر دروست بکات.
