ڕاستیەكی سەیر لەبارەی ستیڤ جۆبز دامەزرێنەرى كۆمپانیای ئەپڵ
دوای تێپەڕبوونی سێ ساڵ بەسەر مردنی ستیڤ جۆبز دامەزرێنەری كۆمپانیای ئەپڵ كە گۆڕانكاریەكی گەورەی لە دنیای تەكنەلۆجیادا دروست كرد، چەندین ڕاستی لەبارەی ژیانی تایبەتی ئەم پیاوە دەركەوتوە كە هەمو ژیانی بۆ كۆمپانیای ئەپڵ تەرخان كرد.
یەكێك لەو ڕاستیە سەیرانەی ژیانی ستیڤ جۆبز كە بەم دواییانە لە ڕاپۆرتێكدا ئاشكرا كراوە ئەوەیە كە جۆبز هەرگیز ڕێگەی بە منداڵەكانی نەداوە ئەو ئامێرانە بەكاربهێنن كە كۆمپانیای ئەپڵ بەرهەمیان دەهێنێت بە تایبەتی ئایپاد.
لە ڕاپۆرتەكەدا هاتوە كە جۆبز نەیهێشتوە منداڵەكانی ئایپاد بەكاربهێنن لەبەر ئەوەی نەیویستوە منداڵەكانی ئەو ئامێرە تەكنەلۆجیانە لە ماڵەوە بەكاربهێنن و زانیویەتی مەترسیەكی گەورە لە پشت بەكارهێنانی ئەم ئامێرانەوەیە بەتایبەتی بۆ منداڵان.
