بارسیلۆنا قورسترین ئازاری یانەی گرانادا دەدات
نوچەنێت:وەرزشی
یانەی بارسیلۆنا لە شەشەم یاری وەرزی نوێی خوولی ئیسپانیدا ئەمشەو توانی بە شەش گۆڵی بێ وەلام یانەی غەرناتا بیدەنگ بکات.
لەدرێژەی یارییەکانی هەفتەی شەشەمی لالیگادا ئەمشەو لەسەر یاریگای “کامپ نو” ی تایبەت بە یانەی بارسیلۆنا،بارسا میوانداری یانەی غراناتای کرد و توانی یارییەکەشی بە ئەنجامێکی گەورە و بە شەش گۆڵی بێ وەڵام لێ بباتەوە و پێگەی خۆی لە پلەی یەکەمی ڕیزبەندییەکە توندتر بکات. گۆڵەکانی یارییەکە لە لایەن یاریزانان ( نیمار هاتریک ــ میسی دوو گۆڵـ دوو ئەسیست ــ ڕاکیتیچ یەک گۆڵـ) ،ئەوەی جێگای ئاماژەیە و پێویستە بە گرنگییەوە لێی بڕوانرێت ئەوەیە یانەی بارسیلۆنا تا ئێستا هیچ گۆڵێکی لێ تۆمار نەکراوە .
