سێكسكردن مرۆڤ زیرەكتر دەكاتنوچە.نیت،ئاژانسەکان
لێكۆڵینەوەكان ئاماژە بەوە دەدەن، ئەنجامدانی سێكس بە شێوەیەكی رێكخراو، مێشك بەهێز دەكات، ئەوەش دوای پشكنینی خوێنی ئەو كەسانە دەركەوت كە تازە ژیانی هاوسەرگیرییان دەستپێكردووە و بینرا ئاستێكی بەرزی گەشەكردنی دەمارەكانیان هەیە.لێكۆڵەران پشكنینی خوێنیان بۆ سێ كۆمەڵەی جیاوازی خەڵكی ئەنجامداوە، كۆمەڵەی یەكەم ئەو كەسانە بوون تازە ژیانی هاوسەرگیرییان دەستپێكردووە، كۆمەڵەی دووەمیش ئەوانە بوون كە ماوەیەكی زۆرە هاوسەریان هەیە، كۆمەڵەی سێیەمیش ئەو كەسانەبوون كە هێشتا ژیانی هاوسەرگیرییان دەستپێنەكردووە.
راپۆرتی لێكۆڵینەوەكە كە لەلایەن زانایانی زانكۆی پاڤیاوە لە ئیتاڵیا ئەنجامدراوە، ئاشكرای كردووە كە ئاستێكی بەرزی گەشەكردنی دەمارەكان هەیە لەنێو ئەوانەی تازە هاوسەرگیرییان كردووە.
پوختەی لێكۆڵینەوەكە ئەوەیە ئاستی گەشەكردنی دەمارەكان لەو كەسانەی ماوەیەكی زۆرە هاوسەرگیرییان كردووە نزمترە بە بەراورد لەگەڵ ئەوانەی تازە چوونەتە ژیانی خۆشەویستی و هاوسەرگیرییەوە، ئەوەش ئاماژەیە بۆ سوودە تەندروستییەكانی خۆشەویستی و سێكسكردن.
ئەنجامەكان ئاماژە بەوە دەدەن سێكسكردنی بەردەوام بە تەنیا نابێتە هۆی كەمكردنەوەی فشارە دەروونییەكان، بەڵكو دەبێتە هۆی بەهێزكردنی مێشكیش.
ئەنجامەكانی لێكۆڵینەوەكە نزیكبوون لە ئەنجامی ئەو لێكۆڵینەوانەی بۆ هەمان مەبەست لە زانكۆی پرینستۆنی ئەمریكی لەسەر مشكی تاقیگە ئەنجامدراون.
لەو لێكۆڵینەوەیەدا مشكە نێرەكان كرابوون بە دوو كۆمەڵەوە، كۆمەڵەی یەكەمیان بۆیان هەبوو لە دوو هەفتەدا تەنیا جارێك سێكس بكەن، مشكە نێرەكانی كۆمەڵەی دووەم هەموو رۆژێك سێكسیان دەكرد بۆ ماوەی دوو هەفتە.
لە كۆتاییدا لێكۆڵەران ئاشكرایان كرد ئەو مشكانەی بەردەوام و رۆژانە چالاكی سێكسییان هەبووە، بێجگە لەوەی دەمارەكانیان گەشەی زیاتریان كردووە لەوانەی لە دوو هەفتەدا جارێك سێكسیان كردووە، هەروەها لە سیستمی مێشكیاندا رێژەی هۆرمۆنی فشارە دەروونییەكان دابەزیوە.
د.گۆش، پسپۆڕ لە نەخۆشییەكانی مێشك و دەمار دەڵێت “ئەو كەسانەی تەمەنیان هەڵدەكشێ و بەردەوام سێكس دەكەن، كەمتر مەترسی نەخۆشی لەبیرچوونەوە و گێلبوونیان لەسەر دەبێت”.
سێكسكردن دەبێتە هۆی رۆیشتنی زیاتری خوێن بۆ مێشك، بەوەش ئاستی ئۆكسجین لە مێشكدا بەرزدەبێتەوە.
باری كۆمیسارۆك، پرۆفیسۆری زانستە دەروونییەكان و زانای بواری دەمار دەڵێت ” وێنە موگناتیسییەكانی مێشك (MRI) نیشانیانداوە، لە كاتی ئۆرگازمدا، خانە دەمارییەكانی مێشك زیاتر چالاك دەبن و ئۆكسجینێكی زیاتر بەكاردەهێنن”.
ئاستی هۆرمۆنی ئۆكسیتۆسین بە رێژەی 500% بەرزدەبێتەوە لەكاتی سێكسدا، ئەوەش پشوویەكی باش بە مرۆڤ دەبەخشێت و یارمەتی خەولێكەوتن دەدات
