نوچە: الجزيرە
شوتی یان وەك هەندێك پێی دەڵین (شفتی) بە میوەیەكی زۆر دەوڵەمەند دادەنرێت و بەهۆی ئەوەی پڕ ئاوە پێویستە ڕۆژانە بچێتە ناو ژەمەكانی خۆراكمان، شوتی تامێكی شیرن و خۆشی هەیە، هاوكات پلەی گەرمی لەش دادەبەزێنێت.
یەكەم: رێژەی ئاو لە لەش زیاد دەکات
شوتی 90 تا 95%ی شوتی ئاوە، بۆیە وادەكات لاشەی مرۆڤ بە تەڕی بمێنتەوە لەكاتی پلەی بەرزی گەرمای هاوین.
دووەم- فشاری خوێن دادەبەزێنێت
بەپێی ئەو لێكۆڵینەوەی مایۆكلینكی پزیشكی ئەنجامیان داوە یەك پەرداخ شەربەتی شوتی 70 ملیغرام بۆتاسیۆمی تێدایە، ئەوەش زۆر گرنگە بۆ دابەزینی فشاری خوێن و کاری دەمار ئاسانتر دەكات.
سێهەم -كێش دادەبەزێنێت
خواردنی پارچەیەك لە شوتی وەك پێشەكی هەست بەتێری دەكەی پێش ژەمی سەرەكی خواردن، چونكە یەك پارچە شوتی 40 کالۆری تێدایە و زۆربەسودە بۆ كێش دابەزاندن، بە پێی ئەو لێكۆڵینەوەی لە گوڤاری “نترینتز” بڵاوبۆتەوە.
چوارەم -بەتاڵكردنەوەی ناوهەناو
شوتی هاوكارت دەبێت لە پاكردنەوەی ریخۆڵە بەشێوەكی ڕێكخراو.
پێنجەم – شوتی وات لێدەكات دوور بی لە پزیشكی دڵ
شوتی دوو شتی تێدایە، كە ئاستی كۆلیسترۆڵ كەم دەكاتەوە لە خوێندا، دەمارگیران ناهێڵێ. بەپێی ئەو لێكۆڵینەوەی توێژەرانی زانكۆی بیردو و كنتاكی بڵاویان كردۆتەوە لە 2014.
شەشەم –پێویستە شوتی بخۆی یان شەربەتەكەی بخۆیتەوە پێش ئەوەی راهێنانی وەرزشی ئەنجام بدەی.
حەفتەم – شوتی دەتپارێزێت لە شێرپەنجە
هاوشێوەی تەماتە شوتی مادەی گرنگی ئەلیكوبینی تێدایە و ئەوەش دژە ئۆكسیدە دەتپارێزێت لە شێرپەنجە و خانەكانی شێرپەنجە لەناودەبات.
هەشتەم- هەستەوەری بینین دەپارێزێت
بۆ ئەوانەی دەچنە ناو تەمەنەوە زۆر جار توشی كێشەی لەدەستدانی بینین دەبن بەهۆی ئەو تەلفەی لەسەر شەبەكەی چاو دروست دەبێت و شوتی دەوڵەمەندە بە ئەلیكوبین و فیتامین سی و ئەوانەش دژە ئۆكسیدەیەكی دیكەیە، كە بەسودە بۆ چاو.
نۆیەم –تۆی شوتی بە ژەمێكی سوك ئەژمار دەكرێت
تۆی شوتی زۆر دەوڵەمەندە و بەتامە، دەتوانی سوری كەیتەوە یان بیبرژێنیت و پڕە لە پرۆتین و مەگنەسیۆم و ئاسن و زینك و چەوری ناتێر، دەشتوانی لەكاتی برژاندن تۆزێك زەیتی زەیتونی بەسەردابكەی.
