نوچەنێت
پسپۆڕانی بەریتانی دەڵێن: زۆربوونی کێشی لەش و دیاردەی قەڵەوی ئەگەری توشبوون بە ڤایرۆسی کۆرۆنا زۆرتر دەکات.
زانایانی بەریتانی لە توێژینەوەیەکدا بەوئەنجامە گەیشتوون، کە پەیوەندییەکی ڕاستەوخۆ لە نێوان قەڵەوی و توشبوون بە پەتای کۆرۆنا هەیە.
بەپێی توێژینەوەکە، کەسانی قەڵەو دوای توشبوون بە ڤایرۆسی کۆرۆنا پێویستییان بە چاودێری زیاتری پزیشكی هەیە.
ئەوەش دەخاتە روو، کە مەترسی مردنی کەسانی قەڵەو بە هۆی کۆرۆناوە دوو بەرابەرە.
بەریتانیا یەکێک لە وڵاتانی ئەوروپی هەژئمار دەکرێت، کە بە بەراورد لە گەڵ وڵاتانی دیکە، دانیشتوانی زۆرترین رێژەی قەڵەوی هەیە. بە جۆرێک کە دوو لە سەر سێی گەورەساڵانی ئەم وڵاتە کێشی لەشیان زۆرە.
