ئامادەکردنی لاڤین عمر
غەڕغەڕە کردن هەمووکاتێک باشە، بەڵام زیاتر کاتی پەتا و نەخۆشییەکانی قوڕگ بیرمان دەکەوێتەوە.
هەندێ غەڕغەڕە بە دەرمانی پزیشکی دەکرێت، بەڵام پسپۆڕان غەڕغەڕەی سروشتی(ئاووخوێ) بە باشترین جۆر دەزانن.
غەڕەغەڕە سودی زۆرە، بە لەناوبەری بەکتریا و ڤایرۆسی ناو دەم ناسراوە، جگە لەوەی بۆنی ناخۆشی ناو دەم ناهێڵێت، یەکێکە لە باشترین هۆکارەکانی کەمکردنەوەی ئاوسانی و ئازاری قوڕگ و بەکەمترین ماندوو بوون دەتوانن ئەنجامی بدەن و تەندروستی خۆتان دەستبەر بکەن.
لە کاتی کۆکەو هەڵامەتدا سودی زۆرە، لە ئێستاشداپزیشکان جەخت لەسەر ئەنجامدانی غەڕغەڕە بە ئاوی گەرم و خوێ، بۆ خۆپاراستن لە کۆرۆنا دەکەنەوە.