نوچەنێت
دەستدەکرێت بەدابەشکردنی ئەو هاوكاریەی حكومەتی ئەڵمانیا، بەناوی پارەی هاتووچۆ بۆ مامۆستایانی دەرەوەی شارەكانی دابینکردووە.
بەپێی راگەیەنراوەكە، ئەو پارەیە وەكو هاریكاری دارایی دەبەخشرێتە وەزارەتی پەروەردەی حكومەتی هەرێمی كوردستان، پارەكەش بەناوی هاوكاری كرێی هاتووچۆی مامۆستایان خەرج دەكرێت.
ژمارەی ئەو مامۆستایانەی لە هەر پارێزگایەك ئەو هاوكاریەیان بەردەكەوێت:
ـ دهۆك 7 هەزار و 269 مامۆستا
ـ هەولێر 7 هەزار و 42 مامۆستا
ـ سلێمانی 5 هەزار و 855مامۆستا
كۆی گشتییان دەكاتە 20هەزار و 166 مامۆستا لە هەر سێ پارێزگا
بڕی پارەی دابینكراو بۆ هەر پارێزگایەك:
ـ دهۆك یەک ملیۆن و 848 هەزار و 100 دۆلاری ئەمریكی
ـ هەولێر یەک ملیۆن و 614 هەزار و 755 دۆلاری ئەمریكی
ـ سلێمانی یەک ملیۆن و 411 هەزار و 875 دۆلاری ئەمریكی
كاتی دابەشكردنی پارەكە بۆ هەر پارێزگایەك بەم شێوەییە دەبێت:
ـ دهۆك لە 8ـی ئازار، تاوەكو 13 ئازار دابەش دەكرێت
ـ هەولێر لە 14ـی ئازار، تاوەكو 20 ئازار دابەش دەكرێت
ـ سلێمانی لە 2ـی نیسان، تاوەكو 8ـی نیسان دابەش دەكرێت
بەپێی زانیاریەكان، پارەكە بەپێی دووری و نزیكی مامۆستایان لە شارەكان دابەش دەكرێت و لەنێوان 75دۆلار تاوەكو 120دۆلار دەبێت.