ڤیان ده‌خیل: 5 هه‌زار ئێزدى له‌لاى داعش ده‌ستبه‌سه‌رن

نوچه‌ نێت
ئه‌مرۆ له‌كۆنگره‌یه‌كى رۆژنامه‌وانى دا ڤیان ده‌خیل ئاشكراى ده‌كات كه‌ 5 هه‌زار ئێزدى له‌لاى داعشه‌وه‌ ده‌ستبه‌سه‌رن و ئاشكراشى ده‌كات كه‌ یه‌كێك له‌شوێنى گیراوه‌كان، ماوه‌ى هه‌فته‌یه‌كه‌ خواردن و خواردنه‌وه‌ى پێنه‌گه‌یشتووه‌.
ئه‌مرۆ له‌ ئه‌نجومه‌نى نوێنه‌رانى عێراق ڤیان ده‌خیل په‌رله‌مانتارى كورد كۆنگره‌یه‌كى رۆژنامه‌وانى سازدا و له‌ كۆنگره‌كه‌ دا ئاشكراى كرد كه‌ تا ئێستا 5 هه‌زار ده‌ستگیركراو له‌لاى داعشه‌وه‌ ماوه‌ته‌نه‌وه‌. ئه‌وه‌شى روونكرده‌وه‌ كه‌ یه‌كێك له‌ شوێنى ده‌ستگیركردنى ئێزدییه‌كان ماوه‌ى هه‌فته‌یه‌كه‌ خواردن و خواردنه‌وه‌ى پێنه‌گه‌یشتووه‌. داواىشى كرد حكومه‌ت و په‌رله‌مان و رێكخراوه‌كانى نێوده‌وڵه‌تى هه‌وڵى نه‌جاتدانى ژیانى ئه‌و ئێزدییانه‌ بده‌ن.