نێچیرڤان بارزانی: پشتگیری لە حكومەتهكهی حەیدەر عەبادی دەكەین
نوچەنێت.ههولێر:
لە رێوڕەسمی كۆچی دوایی سەماحەتی موحسین ئەلحەكیم نێچیرڤان بارزانی وتی: لەپێناو گێڕانەوەی تەوافوق بۆ وڵات،پشتگیری لە حكومەتی تازەی عیراق،بە سەرۆكایەتی حەیدەر عەبادی دەكەین.
ئەمڕۆ شەممە 24/1/2015 مەراسیمی یادکردنەوەی 44 ساڵەی کۆچی دوایی ئایەتوڵڵا سەید موحسین ئەلحەکیم، مەرجەعی شیعەکان بەڕێوەچوو.
نێچیرڤان بارزان،سهرۆكی حكومهتی ههرێمی كوردستا له وتهیهكدا كهم بهم بۆنهیهوه پێشكهشی كرد،رایگهیاند” دوای ماوەیەك لە گرژی و ئاڵۆزیی پەیوەندییەكانی حكوومەتی هەرێمی كوردستان و حكوومەتی فیدرالی عیراق، كۆتاییەكانی ساڵی ڕابردوو لەگەڵ حكوومەتی فیدرال، گەیشتینە ڕێككەوتن. ئێمە وەك حكوومەتی هەرێمی كوردستان،بە جێبەجێكردنی ئەو ڕێككەوتنهوه پابەندین و هەموو هەوڵی خۆمان دەدەین كه پهیوەندییەكانی حكوومەتی هەرێمی كوردستان و حكوومەتی فیدرالی عیراق باشتر و بەهێزتر ببن.
بارزانی راشیگهیاند”ئێمە هەست بە سەختیی باری ئابووریی هەموو گەلی عیراق دەكەین، بۆ ئەوەی بتوانین ئەو سەختیەش تێپەڕێنین و بتوانین پێداویستییەكانی هاووڵاتیانمان دابین بكەین و خۆشگوزەرانی هەموو عیراق بگرێتەوە، پێویستە ڕێككەوتنی حكوومەتی هەرێمی كوردستان و حكوومەتی فیدرال بەهێزتر بكەین و عیراق لەسەر بنەمای هاوبەشی و تەوافوقێكی ڕاستەقینە بەڕێوە ببەین. بۆ ئەم مەبەستەش، پشتگیری لە حكوومەتی تازەی عیراق، بە سەرۆكایەتیی بەڕێز حەیدەر عەبادی لەپێناو گێڕانەوەی تەوافوق، دەكەین بۆ وڵات“.
