لە 24 كاتژمێری رابردوو فڕۆكە جەنگییەكان 27 هێرشیان بۆسەر داعش ئەنجامداوە
نوچەنێت-رۆیتەرز
فەرماندەیی ئۆپەراسیۆنە هاوبەشەكان رۆژی دووشەممە 12ی كانوونی دووەم رایگەیاند لە 24 كاتژمێری رابردوودا فڕۆكەكانی هاوپەیمانان 27 هێرشیان بۆسەر پێگەكانی داعش لە عێراق و سووریا ئەنجامداوە.
بەگوێرەی راگەیەنراوەكە 11 لەو هێرشانە لە سوریا ئەنجامدراون كە پێگەكانی داعشیان لە شارەكانی كۆبانی و دێرزور و ئەلبوكومال كردبووە ئامانج.
هەرچی 16 هێرشەكەی دیكەیە ئەوە لە عێراق ئەنجامدراون و چەندین مۆڵگەی داعشیان لە بێجی و قائیم و رەمادی و تەلەعفەر و ئەسەد و شنگال و موسڵ و تاجی تێكو پێكداوە.
