ژنه‌ خۆكوژه‌كه‌ی ئیسته‌نبوڵ په‌یوه‌ندی به‌ كورد و داعشه‌وه‌ نییه‌

نوچه‌ نێت
به‌رپرسانی تورك ئاشكرای ده‌كه‌ن كه‌ ژنه‌ خۆكوژه‌كه‌ی ئیسته‌مبول په‌یوه‌ندی به‌ كورد و داعشه‌وه‌ نییه‌ و گومان ده‌كرێت سه‌ر به‌به‌ره‌یه‌كی چه‌پی توندڕه‌وی توركیه‌وه‌ هه‌بێت
دوێنێ‌ له‌شاری ئیسته‌مبول له‌توركیا ژنێكی حیجاب و ده‌مامك دراو خۆی له‌ بنكه‌ی پۆلیسی گه‌شتوگوزار له‌گه‌ره‌كی سوڵتان ئه‌حمه‌د خۆی ته‌قانده‌وه‌. كه‌ بۆ هۆی كوژرانی پۆلیسێك و برینداربوونی یه‌كێكی دیكه‌. زانیارییه‌كان ئاماژه‌ بۆ ئه‌وه‌ ده‌كه‌ن كه‌ ئه‌و ژنه‌ ده‌مامك دراو بووه‌ و به‌ بیانوی ئه‌وه‌ی جانتای ونكردووه‌. چۆته‌ بنكه‌كه‌. جیا له‌مه‌ش به‌زمانی ئینگلیزی قسه‌ی كردووه‌. واسب شاهین شاره‌داری ئیسته‌نبول له‌ لێدوانێكی رۆژنامه‌وانی دا راتی كردۆته‌وه‌ ئه‌و ژنه‌ په‌یوه‌ندی به‌ كێشه‌ی كورد و كێشه‌ی سوریاوه‌ هه‌بێت. به‌و مانایه‌ی نه‌په‌یوه‌ندی به‌ لایه‌نه‌ كورییه‌كان و نه‌ په‌یوه‌ندی به‌داعشه‌وه‌ هه‌یه‌. به‌ڵكو په‌یوه‌ندی به‌ به‌ره‌ی شۆرشگێری رزگاریخوازی میللی هه‌یه‌، كه‌ئه‌مه‌ش به‌ره‌یه‌كی چه‌پی ماركسی توندره‌وی توركیه‌. له‌ ساڵی 2013 ته‌قینه‌وه‌یه‌ك له‌لایه‌ن ئه‌و به‌ره‌یه‌ له‌ ئه‌نكه‌ره‌ی پایته‌خت ئه‌نجام دراوه‌.