نەتەوە یەكگرتووەكان لەبارەی هەبوونی ئیبۆلا لە عێراق روونكردنەوەی دا
نوچەنێت-ئاژانسەكان
سێشەممە 6ی كانوونی دووەم رێكخراوی تەندروستی جیهانی وەڵامی ئەو دەنگۆیانەی دایەوە كە دەڵێن حاڵەتی ئیبۆلا لە عێراق تۆماركراوە.
بەپێی راگەیەنراوی رێكخراوی تەندروستی جیهانی ، ئەو رێكخراوە و وەزارەتی تەندروستی عێراق بەدواداچوونیان كردووە و بۆیان دەركەوتووە حاڵەتی ئیبۆلا لە عێراق بوونی نییە.
بە وتەی رێكخراوەكە ئەوان و وەزارەتی تەندروستی عێراق پەیوەندییان بە چەندین سەرچاوەی پەیوەندیدارەوە كردووە و بۆیان دەركەوتووە هیچ حاڵەتێكی ئیبۆلا لە عێراق بوونی نییە بە موسڵیشەوە.
ئەوەی پاڵی بە رێكخراوی تەندروستی جیهانی و وەزارەتی تەندروستی عێراقەوە نا دەست بە لێكۆڵینەوە بكەن، چەند راپۆرتێك بوو لە رۆژنامەی سەباحی چاپی بەغدا و ئاژانسی شەفەق لە 31ی دیسەمبەردا بڵاویان كردبووەوە كە لە شاری موسڵی ژێر دەسەڵاتی داعشدا چەند حاڵەتێكی توشبوون بە ئیبۆلا تۆمار كراون.
