له‌2014: له‌ عێراق 28 هه‌زار و له‌سوریا 76 هه‌زار كه‌س بونه‌ته‌ قوربانی

نوچه‌ نێت
به‌پێی دوو به‌یاننامه‌ له‌ساڵی 2014 له‌ عێراق 28 هه‌زار كه‌س بوونه‌ته‌ قوربانی كاری تیرۆریستی و جه‌نگی گروپه‌ چه‌كداره‌كان و له‌ سوریاش 76 هه‌زار كه‌س كوژراون.

له‌به‌یاننامه‌یه‌كدا مه‌رسه‌دی سوری بۆ مافی مرۆڤ ئاشكرای ده‌كات كه‌ له‌ساڵی رابردوودا 76021 كه‌س بوونه‌ته‌ قوربانی جه‌نگ و كاری چه‌كداری له‌وانه‌ 33278 مه‌ده‌نی و 3501 منداڵ و 1987 كه‌سیان ئافره‌نتن. سه‌باره‌ت به‌ عێراقیش به‌پێی ئامارێكی فه‌رمی كه‌ له‌لایه‌ن یۆنامیش بڵاوكراوه‌ته‌وه‌، له‌ساڵی 2014 نزیكه‌ی 28720 كه‌س به‌ بریندار و كوژراو بوونه‌ته‌ قوربانی جه‌نگ و ته‌قینه‌وه‌كان له‌وانه‌ 11500 كه‌سیان كوژراون و 17 هه‌زار كه‌سیش بریندار بوون.