نێچیرڤان بارزانی هێزەكانی پێشمەرگەی لە میحوەری گوێڕ ـ مەخموور بەسەر كردنەوە
نوچەنێت.ههولێر:
ماڵپەڕی حكومەتی هەرێمی کوردستان بڵاوی کردەوە”پاشنیوهڕۆی ئەمڕۆ پێنجشەممه له یهكهم ڕۆژی ساڵی تازهی 2015دا،نێچیرڤان بارزانی سەرۆك وەزیرانی هەرێمی كوردستان میحوەری گوێڕ ـ مەخمووری بهرهكانی جهنگی دژی تیرۆرستانی داعشی بەسەر كردەوە“.
بەپێی هەواڵی ماڵپەڕی حكومەت”لە كۆبوونهوهیهكدا لەگەڵ فەرماندهی گشتیی میحوهرهكه و فهرمانده سهربازییهكانی بهرهكانی جهنگ لهو میحوهره، له نزیكهوه دوایین پێشهات و بارودۆخی بەرەكانی شەڕی لهگهڵ ئهواندا تاوتوێ كرد و تیشك خرایە سەر سهركهوتنهكانی ئهم دوو ڕۆژهی ڕابردووی پێشمهرگه لهو سنووره، كه توانرا ناوچهیهكی فراوانی ئهو سنووره له تیرۆرستانی داعش پاك بكرێتهوه و زیانی زۆریان پێ بگهیهنرێت. لهمبارهیهوه دوایین داتا و زانیاری لهسهر پێشڕهوییهكانی پێشمهرگه و ئازادكردن و پاككردنهوهنهی ئهو سنووره له تیرۆرستان، بۆ بهڕێز سهرۆك وهزیران ڕوون كرایهوه“.
ماڵپەڕی حكومەت ئەوەی خستۆتەڕوو کە”دواتر نێچیرڤان بارزانی بە یاوەریی فەرماندە سهربازییهكانی ناوچەكە؛ هێڵەكانی پێشەوەی پێشمەرگەی بەسەر كردەوە و لە وتەیەكدا ڕایگەیاند كە بۆ دەستخۆشیكردن لە سەركەوتنەكانی ئەم چەند ڕۆژانەی دوایی لە میحوەرەكە و ناوچەكانی دیكەی كوردستان سەردانی ئەو سنوورەی كردووە و بە بۆنەی سەری ساڵی تازەوە، پیرۆزبایی لێكردن و هیوای خواست ساڵی 2015 بۆ پێشمەرگە و خانەوادەكانیان و تەواوی گەلی كوردستان، ساڵی سەركەوتن و كۆتاییهاتن و لەناوبردنی یەكجارەكیی تیرۆر و تیرۆرستان بێت و ئاشتی و سەقامگیری و ئاوەدانی بگەڕێتەوە ناوچهكه و عیراق و هەرێمی كوردستان. هەروەها باسی لە ڕۆڵی جوامێرانە و قارەمانانەی هێزەكانی پێشمەرگەی كوردستان كرد، كە ڕۆژانە له ههموو بهرهكاندا سەركەوتنی گەورەتر تۆمار دەكەن و تیرۆرستان لە سنوورەكانی هەرێمی كوردستان دوور دەخەنەوە“.
هەر بەپێ هەواڵەكە”لە درێژەی گوتەكەیدا نێچیرڤان بارزانی هاوخەمی و سەرەخۆشیی خۆی بۆ خانەوادەی شەهیدە قارەمانەكان دەربڕی و ئاماژەی بەوە دا كە پێشمەرگە قارەمانەكان مهردانه لەپێناو پاراستنی خەڵك و دەستكەوتەكانی كوردستاندا، هەر لە كۆبانێوە تا شەنگال و جەلەولا و سەعدیە بە گیان و خوێنی خۆیان بەرگری دەكەن و قوربانی دەدەن و له شهڕێكدا شەهید دەبن، كه به زۆری بهسهر خهڵك و ههرێمی كوردستاندا سهپێنراوه. له وهڵامی ڕۆژنامهنووسانیشدا ڕایگهیاند كه حكوومهت كار بۆ ڕێكخستنهوهی پێشمهرگه و بهنیشتیمانیكردنی دهكات و ههوڵ دهدات ڕهوشی ژیانیان باش بكات“.
