فازڵ میرانی: پێشمەرگەكانی پارتی بوون چونە سەر چیای شنگال
نوچەنێت.ههولێر:
سكرتێری مەكتەبی پارتی دیموكراتی كوردستان،رایگەیاند وەكو پارتی لە شنگالین بۆ ئازادكردنی و پێشمەرگەكانی پارتیش بوون كە چونە سەر چیاكە.
دوای ئەوەی دوێنێ هێزی پێشمەرگەی كوردستان گەییشتە سەر چیای شنگال و (بارزانی) خودی خۆی سەرپەرشتی گشت ئۆپەراسیۆنەكانی دەكرد بەقسەی راوێژكاری ئەنجومەنی ئاسایشی هەرێم.
ئەمرۆ هەینی وەفدێكی باڵای پارتی وەكو حیزب لە دەڤەری شەنگال و سەرچیاكە بوون كەبریتی بوون لە فازڵ میرانی سكرتێری مەكتەبی سیاسی و زەعیم عەلی ئەندامی مەكتەبی سیاسی پارتی.
فازڵ میرانی كە خۆی لەوێ ئامادەبوو،بۆ رووداو وتی”دوێنی ئۆپەراسیۆنێكی گەورە ئەنجام دراوە دژی چەكدارانی داعش لە دەڤەری زومال و شنگا كەپارتی سەرپەرشتی كردوە و بێ زیانیش گەیشتینەوە برایانمان لەسەر چیای شنگال،ئەمە موزایدە نییە و بۆ گەڕانەوەی ئەو قسانەیە كەخەڵێك دەویست موزایەمان لەسەربكات“.
میرانی وتیشی”پارتی هەوڵدەدات شان بەشانی حیزبەكانی تر لە بەرپرسیاریەتی پشكی شێر بۆ ئێمە بێت و دەسكەوتەكانیش لەگەڵ خەڵكی خۆمان بەش دەكەین“.
سەبارەت بە قەرەبووكردنەوەی ئەو خەڵكەی بەهۆی هێرشەكانی داعش زیانیان پێگەیشتووە،سكرتێری مەكتەبی سیاسی پارتی وتی”نەك تەنها خوشك و برایانی ئێزدی،بەڵكو هەموو پێكهاتەكانی عێراق لەسەر دەستی داعش تووشی زیان بوونە،ئەولەویەتی ئێمەش قەرەبووكردنەوەی مەعنەوییە“.
لای خۆشییەوە زەعیم عەلی،ئەندامی مەكتەبی سیاسی پارتی و بەرپرسی میحوەری رۆژئاواو رۆژهەڵاتی دیجلەی هێزی پێشمەرگەی كوردستان كە خۆی لەدەڤەری شنگالە ئیستا،وتی”ئەو پلانە سەربازییەی داندراوە بەسەرپەرشتی جەنابی سەرۆك بارزانی بووەو پلانەكەش زۆر فراوانە و دەبێت هەموو ناوچەكە لە چەكدارانی داعش پاك بكەینەوە“.
وتیشی”ئێستا داعش تەنها لە رێگەی ئۆتۆمبێلی بۆمبڕێژكراو هێرش دەكات“.
لەلایەكی ترەوە قاسم شەشۆ سەرپەرشتیاری جەنگاوەرانی ئێزیدی بۆ هەمان كەناڵ وتی”ئێمەهەموومان پێشمەرگەی پارتی و شۆڕشی ئەیلول و گوڵان و بارزانی بوون“.
