نوچه، نێت
رۆژی پێنج شهممه له ههولێر یهكهم كۆنگرهی سوننهكانی عێراق دهبهسترێت، وا بڕیاره ئهو بهپرسانهی بهتیرۆر تۆمهتبار كراون له كۆنگرهكه ئامادهبن و ئهمهش كاردانهوهی بهرپرسانی شیعهی لێدهكهوێتهوه.
رۆژی پێنج شهممه یهكهم كۆنگرهی سوننهكانی عێراق بۆ دژایهتی كردنی تیرۆر لهههولێر دهبهسترێت، پێشبینیش دهكرێت تارق هاشمی و رافع عیساوی وچهندین كهسی دیكه له كۆنگرهكه ئامادهبن كه لهسهردهمی مالیكی بهتیرۆر تۆمهتبار كرابوون. چهند سهرچاو و سهرپهرشتیارێكی كۆنگرهكه له لێدوانهكانیان باسی ئامادهبوونی ئهو كهسانهیان كردووه كه به تیرۆر تۆمهتبار كراون، بهڵام ناوی هیچ كهسێكیان ئاشكرانهكردووه. باسی ئامادهبوونی هاشمی و رافع عیساوی چهندین كاردانهوهی لهلایهن بهرپرسانی شیعه و دهوڵهتی قانون لێكهوتۆتهوه. عالیه نوسهیف ئهندامی ئهنجومهنی نوێنهرانی عێراق لهبهیاننامهیهك دا دهڵێ” وا چاكتره حكومهتی ههرێم هاشمی و عیساوی رادهستی دادگا بكاتهوه”. پێشتر دهسهڵاتی حكومهتی ههرێم لهسهر زاری سهرۆكی ههرێمهوه ههڵویستی ههرێمی كوردستان دیاركردبوو لهبهرامبهر مهسهلهی هاشمی كه ئهویش ههڵوێستی بێلایهنی بوو.
