بارزانى لەپێشوازى شاندێكى باڵاى مهسیحى: بێ جیاوازى پێشوازيمان له ههموو ئاوارەكان كردووه
نوچەنێت.ههولێر:
بارزانى لەوكۆبونەوەی لەگەڵ پاتریاركى كلدان له عیراق و جیهان،دووپاتى كردهوه كه ههرێمى كوردستان بێ جیاوازى پێشوازى له ههموو ئاواره و پهنابهران كردووه و ئهوهى له توانایدا بووبێت،هاوكارى كردوون و یارمهتى داون و بهردهواميش دهبين.
ماڵپەڕی حكومەتی هەرێمی کوردستان بڵاوی کردەوە”ئێوارهى ئهمڕۆ سێشهممه 16ى دیسهمبهرى 2014،نێچیرڤان بارزانى سهرۆك وهزیرانى ههرێمى كوردستان،پێشوازى له پاتریارك مار لویس ڕۆفائێل ـ یهكهم ساكۆ، پاتریاركى كلدان له عیراق و جیهان و شاندێكى یاوهرى كرد
بەپێی هەواڵی ماڵپەڕی حكومەت”له دیدارێكدا پاتریارك سوپاسى حكومهتى ههرێمى كوردستان و سهرۆك وهزیرانى كرد بۆ پێشوازیكردن و داڵدهدانى ئاواره مهسیحییهكان له ههرێمى كوردستان و ئاماژهى بهوه دا كه ههر چهنده ڕهوشى ئاوارهكان قورسه،بهڵام ئهوان ههست به غهریبى ناكهن و له ههرێمى كوردستان لهناو كهسوكارى خۆیاندان ههروهها هیواى خواست حكوومهتى ههرێمى كوردستان بتوانێت سوود له تواناكانى مامۆستا و دكتۆر و كارمهند و پیشهوهرانى ئاواره وهربگرێت و دهرفهتى كاریان بۆ بڕهخسێنێت،تا بتوانن بارى ژیانى خۆیان باشتر بكهن، هاوكاریى ئهو قوتابییه مهسیحیانهش بكات كه له خوێندن دابڕاون، تا بتوانن بكهونهوه بهر خوێندن و تاقیكردنهوهكانیان نهفهوتێت
ماڵپەڕی حكومەت ئەوەی خستۆتەڕوو کە”پاتریارك ههموو ئامادهییى كهنیسهى كاسۆلیكیشى دهربڕى بۆ ئهوهى پهیوهندییهكانى خۆى لهگهڵ ڤاتیكان و جیهانى مهسیحى بهكار بێنێت تا لهگهڵ حكوومهتى ههرێمى كوردستان هاوكاریى ئاوارهكان بكهن.ئاماژهى بهوهش دا كه له دوایین دیداریدا لهگهڵ قهداسهتى پاپاى ڤاتیكان،باسى له ههموو هاوكاریهكانى خهڵك و حكوومهتى ههرێمى كوردستان بۆ ئاواره مهسیحییهكان و تهواوى پهنابهران و ئاوارهكانى دیكه له ههرێمى كوردستان كردووه و ڕۆڵى ههرێمى كوردستان و حكوومهتیان لهمبارهیهوه بهرز ههڵسهنگاندووه.ههروهها هیواى خواست حكوومهتى عیراقیش ڕۆڵى خۆى ببینێت و باشتر به دهنگ ئاوارهكانهوه بچێت و هاوكاریى زیاتریان بكات
لەبەرانبەریشدا”نێچیرڤان بارزانى دووپاتى كردهوه كه ههرێمى كوردستان بێ جیاوازى پێشوازى له ههموو ئاواره و پهنابهران كردووه و ئهوهى له توانایدا بووبێت،هاوكارى كردوون و یارمهتى داون، به ههمان شێوهش بهردهوام دهبن، ههروهها سوپاسى بهڕێز پاتریاركى كرد كه وێنهیهكى باشى ههرێمى كوردستانى گهیاندووهته ڤاتیكان و جیهانى مهسیحى. بۆ چارهسهركردنى كێشهكانى ئاواره مهسیحییهكانیش، بڕیارى دا لیژنهیهكى تایبهت بۆ بهدواداچوونى كێشهكان و دۆزینهوهى چارهسهرى، له لایهنه پهیوهندارهكانى حكوومهت،پێك بهێنرێت.
