ئاسایشی گشتی لەبارەی تەقینەوەکەى هەولێر راگەیەندراوێک بڵاودەكاتەوە
نوچەنێت – هەولێر:
سەبارەت تەقینەوەکەى هەولێر،بەڕێوەبەرایەتی گشتی ئاسایشی هەرێمی كوردستان راگەیەندراوێك بڵاودەكاتەوە و هاوڵاتیان دڵنیا دەكەنەوە كە بارودۆخەكە ئارامە و لە ژێر كۆنترۆڵی هێزەكانی ئاسایشی ناوخۆ دایە.
ئەمڕۆ چوارشەممە ئۆتۆمبێلێكی بۆمبڕێژكراو لهبهردهم پارێزگای ههولێر تەقیەوەو بەهۆیەوە 29 بریندار و 4 شەهیدی لێكهوتهوه.
ئەمەی خوارەوە دەقی راگەیەندراوەکەیە:
راگەیێندراوێك لە( بەرێوەبەرایەتی گشتی ئاسایش)ەوە ..
كاتژمێر( 11:50) پێش نیوەڕۆی ئەمڕۆ چوارشەممە رێكەوتی (19/11/2014) تیرۆریستێكی خۆكوژ بە ئۆتۆمبێلێكی بۆمبرێژكراو، ویستی بارەگای پارێزگای هەولێر بتەقێنێتەوە، بەڵام پاسەوانەكانی پارێزگای هەولێر ڕێگریان لێكرد و لە بەردەم خاڵی پشكنینی پارێزگا خۆی تەقاندەوە و شەهید و برینداری لێكەوتەوە.
لێكۆلینەوە سەبارەت بەم كردەوە تیرۆریستیە دەستی پێكردووە و دواتر ئەنجامەكانی رادەگەیێندرێت.
هاوڵاتیانی خۆشەویست دڵنیا دەكەینەوە كە بارودۆخەكە ئارامە و لە ژێر كۆنترۆڵی هێزەكانی ئاسایشی ناوخۆ دایە.
بەرێوەبەرایەتی گشتی ئاسایش
19 /11/2014
