بان كی مون دەستخۆشی لە رێككەوتنی هەولێر و بەغدا دەكات
نوچەنێت-ئاژانسەكان
سكرتێری گشتی نەتەوە یەكگرتووەكان ئەمڕۆ هەینی (14ی نۆڤەمبەر) دەستخۆشی لەو رێككەوتنە كرد كە بەغدا و هەولێر پێی گەیشتوون لەبارەی بودجە و ناردنە دەرەوەی نەوت.
لە بەیاننامەیەكدا كە كۆپییەكی دەست نوچە كەوتووە بان كی مون دەڵێت “پیرۆزبایی لە سەرۆك وەزیرانی عێراق حەیدەر عەبادی و سەرۆكی حكومەتی هەرێمی كوردستان نێچیرڤان بارزانی دەكەین بۆ ئەو ئامادەباشییەی هەیانە بۆ گفتوگۆ و گەیشتن بە رێككەوتن لە بەرژەوەندی سەرجەم گەلی عێراق”.
بان كی مون هانی بەغدا و هەولێری داوە لەسەر ئەم بنەما سەرەتاییە گرنگە هەوڵی چارەسەركدنی سەرجەم گرفتە هەڵپەسێراوەكان بدەن لە چاورچێوەی دەستوور و یاسادا. ئامادەیی ننێردەی نەتەوە یەكگرتووەكانیشی پیشانداوە بۆ پشتیوانی پرۆسەی لێكنزیكبوونەوەی هەولێر و بەغدا.
