دوو خێڵی عێراقی شەڕە هاوەن دەكەن
نوچەنێت-مەداپرێس
پێنجشەممە 6ی نۆڤەمبەر سەرچاوەیەكی ئەمنی لە پارێزگای بەسرە رایگەیاند كە هەردوو خێڵی جەوابر و بێت حەشیف لە شەرَێكی قورسدان و داوای دەستێوەردانی حكومەتی كرد بۆ كۆتایی هێنان بە شەڕەكە.
سەرچاوەكە وتویەتی لە شەڕی ئەو دو خێڵەدا لە شارۆچكەی قوڕنەی سەر بە پارێزگای بەسرە چەكی مامناوەندی وەك ئارپیجی و چەكی قورسی وەك هاوەنی تێدا بەكاردێت و شەڕەكەش بەردەوامە.
محەممەد ناسیح حەسەن قایمقامی قوڕنە وتویەتی هێزی تایبەت بە كۆتاییهێنان بە گرفتە خێڵایەتییەكان نەیتوانیوە كۆتایی بە شەڕەكە بهێنێت.
شەڕی نێوان ئەو دوو خێڵە لەسەر وەرگرتنی پرۆژەیەكی بەڵێندەرایەتییە لە بواری ئاوەڕۆدا و لە مانگی 3 ی ئەمساڵەوە سەری هەڵداوە.
