بەشی سۆرانی ئاژانسی فرات نیوزی سەر بە پەكەكە دادەخرێت

بەشی سۆرانی فرات نیوز دادەخرێت

ئاژانسی فرات نیوز كە سەر بە پارتی كرێكارانی كوردستانە، خوێنەرەكانی ئاگادار دەكاتەوە كە ئەم مانگە دوا كاتی بەشی سۆرانی ماڵپەڕەكەیە و لە مانگی داهاتووەوە چیتر بەشی سۆرانی ئەو ئاژانسە بەردەوامیی نابێت.
ئاژانسەكە بێ‌ ئەوەی هۆكارەكە رابگەیەنێ‌/ دەڵێت بەڕێوەبەرایەتی ئاژانسەكە ئەو بڕیارەی داوە.

دەقی روونكردنەوەكەی فرات نیوز:

 

به‌شى سۆرانى ئاژانسى هه‌واڵى فرات نیوز ـــ ANF له‌ 1ى تشرینى دووهه‌مه‌وه‌ کۆتایى به‌بڵاوکراوه‌ و به‌په‌خشى راگه‌یاندنى خۆى ده‌هێنێت و ئه‌و بڕیاره‌ش به‌ته‌واوى له‌لایه‌ن به‌رێوه‌به‌رایه‌تى ئاژانسه‌وه‌ دراوه‌. .، به‌شى کرمانجى خواروو (سۆرانی) هه‌ر له‌سه‌ره‌تاى ده‌ستپێکردنیه‌وه‌ هه‌تا ئه‌م ساته‌وه‌خته‌ش له‌بوارى گه‌یاندنى راى ئازاده‌وه‌ به‌بێ هیچ دوودڵیه‌ک و سازشێک رووداو و هه‌واڵ و شیرۆڤه‌کانمان بۆ ئێوه‌ى خوێنه‌رى خۆشه‌ویستى ئاژانسى فرات نیوز (به‌شى سۆرانی) گواستووته‌وه‌ ، هه‌روه‌ها پابه‌ندبوونیشمان به‌پره‌نسیپه‌ نه‌ته‌وه‌یى ، دیموکراتى ، ئه‌خلاقى ، مرۆیى و ئازادى ژن و ژینگه‌پارێزى وه‌کو پره‌نسیپێکى سه‌ره‌کى له‌کارى راگه‌یاندنى خۆماندا به‌جێهێنا و وه‌کو ئه‌رکى سه‌ره‌کى سه‌رشانمان به‌بنه‌ما وه‌رگرت.
هه‌رچه‌نده‌ له‌ماوه‌ى خه‌باتى راگه‌یاندنیماندا بێ که‌م و کورتیش نه‌بووبین، به‌ڵام له‌وباوه‌ڕییه‌داین که‌ گوڕێکى و تینێکى زیاتر و مشتێک له‌ خه‌رمانى راگه‌یاندنى کوردیمان زیادکردوه‌ و توانیوومانه‌ راستى رووداوه‌کان وه‌ک خۆى بۆ ئێوه‌ى خوێنه‌رى به‌رێز بگوازینه‌وه‌. ، پاش ئه‌م ماوه‌یه‌ش به‌بڕیارى گشتى ستاف و به‌رێوه‌به‌رایه‌تى ئاژانسه‌که‌مان بڕیارماندا له‌سه‌ر وه‌ستاندنى به‌شى سۆرانى ئاژانسه‌که‌تان و له‌کوێ بین ئه‌و به‌رپرسیاریه‌تیه‌ى له‌سه‌رشانمانه‌ جێبه‌جێ ده‌که‌ین و هیواداریشین خوێنه‌رانى خۆشه‌ویستى ئاژانسى فورات نیوز له‌که‌م و کوڕیه‌کانمان ببوورن و ئه‌م بڕیاره‌شمان به‌دڵێکى فراوانه‌وه‌ وه‌ربگرن.
له‌سه‌ر ئه‌و بنه‌مایه‌ هیواى سه‌رکه‌وتن بۆ پێشخستنى راگه‌یاندنى کوردى و به‌جێهێنانى به‌رپرسیاریه‌تى ئه‌خلاقى و نه‌ته‌وه‌یى ده‌خوازین .
هیواى سه‌رکه‌وتن بۆ هه‌موو لایه‌ک
به‌رێوه‌به‌رایه‌تى گشتى ئاژانسى هه‌واڵى فورات ANF ـــ به‌شى سۆرانی