داوای لە هەر سێ سەرۆكایەتییەكەی هەرێم كرا بنكە سەربازییەكانی توركیا لە كوردستان دەربكەن
نوچەنێت
لەکاتی خۆپیشاندانەكەی چەمچەماڵ و دەربەندیخان بۆ پشتیوانی کۆبانێ،هاوڵاتیان ئاڵای دەوڵەتی توركیان سوتاند و دواکاریش بوون لەکۆمەڵى نێودەوڵەتى لەلەبکەن بەهاناوەچوونى کۆبانێ.
هاوشانی شارەكانی تری كوردستان ئەمرۆ لە شاری چەمچەماڵیش بۆ پشتیوانی کۆبانێ خۆپیشاندانێك ئەنجام دراو لەلایەن هاوڵاتیانیشەوە ئاڵای دەوڵەتی توركیان سوتێنرا و هەر لە خۆپیشاندانەكە نامەیەک خوێندرایەوە.
لە بەشێكی نامەكەدا كە بەناونیشانی(نامهیهك لهپایتهختی شههیدان و ئهنفال كراوانی سنورهكهوه)ئاڕاستەی هەر سێ سەرۆكایەتییەكەی هەرێمی كوردستان كراوە هاتوو”دواکارین لەکۆمەڵى نێودەوڵەتى هاوشێوەى هەڵەبجەو ئەنفال و شەنگال لەڕۆژئاواى کوردستان دووبارەنەبێتەوە پەلەبکەن لە بەهاناوەچوونى کۆبانى.
هەرلەنامەكە داواش لەهەرسێ سەرۆکایەتیەکەى هەرێم کوردستان كراوە بەشێوەیەکى ڕاستەو خۆ هاوکارى سەربازی و مرۆیی پێشکەش بەکۆبانى بکەن تەنها لە رێگەى بەیان نامەوە چارەسەرى کیشەکانى کۆبانى ناکرێت و دواکاریش بوون لەهەرسێ سەرۆکایەتیەکەى هەرێم بەزوترین کات چاوبەپەیوندیەکانى لەگەڵ تورکیا بخشێنێتەوەو بریارى دەركردنی بنکە سەربازیەکانى تورکیاش بدەن.
لەلایەكی تریشەوە لەخۆپیشاندانەكەی هاوڵاتیانی دەربەندی خانیش بۆ پشتیوانی كۆبانێ ئاڵای دەوڵەتی توركیا سوتێنرا.
