نێچیرڤان بارزانی: کورد دەرفەتێکی بەعەببادی داوە بۆ چارەسەری کێشەکان، خوازیارین هەموو کێشەکان چارەسەربکات
کۆنگرێسمانانی ئەمریکا: ئهمهریكا ههرگیز پشت له ههرێمى كوردستان ناكات
نوچەنێت
نێچیرڤان بارزانی سەرۆکی حکومەتی کوردستان، لەپێشوازی کۆنگرێسمانانی ئەمریکا رایگەیاند، كوردستان خوازیارى ئهوهیه ههموو كێشهكانى لهگهڵ حكوومهتى عیراق چارهسهر بكات، و دهرفهتێكى بهعهببادى داوه بۆ چارهسهركردنى كێشهكان، سوپاسی هەڵوێستی ئەمریکای کرد کە له سهرهتاى ڕاپهڕینهوه پشتگیرییان له ههرێمى كوردستان كردووه.
ماڵپەڕی سەرۆکایەتی حکومەتی کوردستان بڵاویکردەوە “سهرلهبهیانیى ئهمڕۆ 27ى ئهیلوولى 2014، بهڕێز نێچیرڤان بارزانى سهرۆك وهزیرانى ههرێمى كوردستان، پێشوازى له ههردوو كۆنگرێسمانى ئهمهریكى بهڕێزان “ئادهم كینزنگهر” و جۆرج هۆڵدینگ” كرد.
بەپێی هەواڵی ماڵپەڕی سەرۆکایەتی حکومەتی کوردستان”له دیدارێكدا كۆنگرێسمانان خۆشحاڵیى خۆیان به پێشكهوتنهكانى ههرێمى كوردستان نیشان دا و، دووپاتیان كردهوه ههرێمى كوردستان سوودێكى زۆر باشى لهو دهرفهته وهرگرتووه كه دواى ڕووخاندنى ڕژێمى دكتاتۆریى بهعس هاتۆته ئاراوه و، ئهزموون و پێشكهوتنهكانى ههرێمى كوردستان بۆ حكوومهت و گهلى ئهمهریكا نموونهى سهركهوتنن، بۆیه ئهمهریكا ههرگیز پشت له ههرێمى كوردستان ناكات و ههمیشه هاوكارى دهكات، به تایبهتیش كه ئێستا له جیاتى ههموو جیهانى ئازاد، له جهنگێكدا كه ئهمهریكا سهرپهرشتى دهكات، زۆر ئازایانه ڕووبهڕووى تیرۆر بووهتهوه”.
لەهەواڵەکەدا ئەوەش هاتووە”كۆنگرێسمانان باسیان له ڕهوش و بارودۆخى مرۆییى ئاوارهكان له ههرێمى كوردستان كرد و سوپاسى حكوومهت و خهڵكى ههرێمى كوردستانیان كرد بۆ بههاناوهچوون و حهواندنهوهى ئاواره و پهنابهران، كه له ههموو پێكهاته نهتهوهیى و ئایینییهكانى عیراق و سووریاش، ڕوویان له ههرێمى كوردستان كردووه و لهمبارهیهوه هیچ كهمتهرخهمییهكى نهكردووه. جهختیشیان لهوه كردهوه كاتێك گهڕانهوه ئهمهریكا داوا دهكهن پشتگیریى باشتر له ههرێمى كوردستان و هاوكاریى زیاترى حكوومهتى ههرێمى كوردستان بكرێت، بۆ ئهوهى بتوانێت به شێوهیهكى باشتر هاوكاریى ئاواره و پهنابهران بكات”. هەوەها “لاى خۆیهوه بهڕێز سهرۆك وهزیران، خۆشحاڵیى خۆى به سهردانیان بۆ ههرێمى كوردستان دهربڕى و سوپاسى ئهمهریكا و كۆنگرێس و خهڵكى ئهمهریكى كرد كه ههر له سهرهتاى ڕاپهڕینهوه پشتگیرییان له ههرێمى كوردستان كردووه. دهربارهى جهنگى دژى تیرۆریش، دووپاتى كردهوه ئهمڕۆ ههرێمى كوردستان لهپێناو پاراستنى ئاشتى و دیموكراسى و پێكهوهژیان، ڕووبهڕووى هێزێكى دڕندهى تاریك بووهتهوه. ههروهها سوپاسى ئهمهریكاى كرد كه هاوكاریى سهربازیى پێشمهرگه دهكات و جهختیشى لهوه كردهوه كه پێشمهرگه پێویستى به هاوكارى و پشتگیریى زیاتره. ئاماژهى به ڕهوشى ئاوارهكانیش دا و داواى كرد ئهمهریكا و كۆمهڵگهى نێودهوڵهتى ئاوڕى جددیتر و زیاتریان لێ بدهنهوه و هاوكارییان بكهن”.
ماڵپەڕی سەرۆکایەتی ئەوەشی خستۆتەڕوو کە”دهربارهى بهشداریى ههرێمى كوردستان له حكوومهتى نوێى عیراقدا، بهڕێز سهرۆك وهزیران دووپاتى كردهوه ههرێمى كوردستان خوازیارى ئهوهیه ههموو كێشهكانى لهگهڵ حكوومهتى عیراق چارهسهر بكات و به بڕیارى بهشداریكردنیشى له حكوومهتدا، دهرفهتێكى به سهرۆك وهزیران بهڕێز عهببادى داوه بۆ چارهسهركردنى كێشهكان. له كۆتاییى دیدارهكهدا پهیوهندییهكانى ههرێمى كوردستان و ئهمهریكا تاوتوێ كران و، ههردوولا داكۆكییان لهسهر پهرهپێدان و بهرزكردنهوهى زیاترى ئاستى پهیوهندییهكان كردهوه”.
