فڕۆكەی جەنگیی فەرەنسی جۆری رافال
بۆچوونی خەڵكی فەرەنسا سەبارەت بە بەشداری ووڵاتەكەیان لە شەڕی داعش
نووچەنێت-ئاژانسەكان
راپرسییەك لە فەرەنساوە دەری دەخات زۆرینەی خەڵكی ئەو ووڵاتە هەم لەگەڵ دەستێوەردانی نێودەوڵەتی و هەم بەشداری ووڵاتەكەیانن لە شەڕی دژی داعش.
بەپێی راپرسییەك كە دامەزراوەی AFOP ئەنجامیداوە و رۆژنامەی لۆ جۆرناڵ دی دیمانش بڵاوی كردۆتەوە 59%ی بەشداربووان لەگەیڵ ئەوەدان دەستێوەردانی نێودەوڵەتی بكرێت بۆ كۆتاییهێنان بە داعش و 53% یشیان پێیان باشە ووڵاتەكەیان لە هەڵمەتی سەربازیی دژە داعشدا بەشداری بكات.
راپرسییەكە رۆژانی پێنجشەممە و هەینی ئەنجامدرابوو، لەوكاتەی هەواڵ بڵاوبوەوە كە فڕۆكە جەنگییەكانی فەرەنسا لە جۆری رافال بۆ یەكمجار راستەوخۆ بۆمببارانی مۆڵگەكانی داعشیان كردووە لە ناحیەی زومماری سەر بە پارێزگای موسڵ.
