یەپەگە: ئەگەر پشتیوانی نێودەوڵەتی نەكرێین، لە كوبانی جینۆساید روو دەدات
نوچە: هەولێر
داعش هێرشێكی فراوانی بۆ سەر كوبانی دەستپێكردووە و دەستی بەسەر 21 گونددا گرتووە، یەپەگەیش دەڵێت “ئەگەر پشتیوانی نەكرێن، لە كوبانی جینوساید روو دەدات”.
روانگەی سوری بۆ مافەكانی مرۆڤ رایگەیاند، چەند رۆژێكە لە كوبانی شەڕێكی سەخت لە نێوان یەپەگە و داعش درووست بووە و داعش دەستی بەسەر 21 گوندی ەو ناوچەیەدا گرتووە، لەلای خۆیشییەوە رێدار خەلیل وتەبێژی یەكینەكانی پاراستنی گەل (یەپەگە) رایگەیاند، كە دۆخی كوبانی و دەوروبەری لە مەترسیدایە، هەروەها داوای پشتگیری نێودەوڵەتی دەكات و دەڵێت “ئەگەر پشتیوانی نەكرێین لە كۆبانێ و دەوروبەری جینۆساید روودەدات”.
