كێ پارەی چەكە چیكییەكان دەدات؟
نووچەنێت-ئاژانسی دەنگوباسی رووسی
یەكشەممە 7ی سێپتەمبەر وەزیری دەرەوەی كۆماری چیك ئاشكرای كرد ووڵاتەكەی بایی دوو ملیۆن دۆلار چەك و تەقەمەنی دەداتە هەرێمی كوردستان.
لوبۆمیر زۆرالیك وەزیری دەرەوەی كۆماری چیك لە دیدارێكی تەلەڤزیۆنیدا ووتی “هەر حكومەتی نوێی عێراق دەستبەكاربوو سەردانی ئەو ووڵاتە دەكەم و باسی پێدانی بایی 2 ملیۆن دۆلار چەك و تەقەمەنییان لەگەڵ باس دەكەم، كە بە خۆڕایی پێیانی دەدەین”.
زۆرالیك جەختی كردەوە بەخشینی ئەو چەك و تەقەمەنییانە بە كوردستان، لە چوارچێوەی بەدەمەوەچوونی بانگەوازەكەی مەسعود بارزانییە، كە داوای لە كۆمەڵی نێودەوڵەتی كرد هاریكاری سەربازی پێشكەشی هەرێمەكەی بكەن بۆ رووبەڕووبوونەوەی پەلاماری داعش.
