مافى مرۆڤى عێراقى: 2761 ئێزدى رفێندراوون
روانگەى عێراقى بۆ مافەکانى مرۆڤ دەڵێت تا ئێستا ئەوەى لە چالاکوان و رێکخراوەکانەوە زانیارییان پێگەیشتووە، ژمارەى ئەو ئێزدییانەى لەلایەن داعشەوە رفێندراوون گەیشتۆتە 2761 کەس کە زیاتر لە 70% یان ژن و منداڵن.
روانگەکە دەڵێت پێدەچێت ژمارەکە بەرەو 5000 کەس بکشێت و ئیدانەى ئەو بێدەنگییە نێوخۆیى و نێودەوڵەتییە دەکات کە لە هەمبەر ئەو سوکایەتییە دەگوزەرێت.
رێکخراوەکە دەڵێت رفێندراوەکان رووبەڕووى جۆرەها دەسدرێژى جەستەیى دەبنەوە، بەتایبەت ئافرەتەکانیان کە مامەڵەى بازرگانییان پێوە دەکرێت.
