ئوستورالیا مافی پەنابەری دەداتە ئێزیدی و مەسیحییەکانی عێراق
نوچەنێت
حکومەتی ئوستورالیا رایگەیاند، بەرنامەیەکی بۆ نیشتەجێکردنی ئاوارە مەسیحی و ئێزیدییەکانی عێراق لەوڵاتەکەی خۆیدا ئامادەکردووە، و مافی ئەوەیان هەیە لە ئوستورالیا بمێنێننەوە.
بەهۆی ئاوارەبوونی مەسیحییەکانی عێراق و کوردە ئێزدییەکان لەزێدی خۆیان، سکۆت مۆریسۆن وەزیری کۆچی ئوسترالیا، لەگەڵ خستنەڕووی نیگەرانی خۆی بۆ بەرووداوەکانی عێراق، رایگەیاند”حکومەتی ئوستورالیا بەرنامەیەکی مرۆیی بۆ نیشتەجێکردنی4000 ئاوارە لەکوردە ئێزیدییەکان و مەسیحییەکانی عێراق ئامادەکردووە”.
ئەو وەزیرە لە حکومەتی ئوستورالیا وتیشی”ئوسترالیا ئێزدیی و مەسیحییە عێراقییەکانی خستووەتە ناو ئەو پێکھاتانەی کەمافی ئەوەیان ھەیە لە ئوسترالیا مافی پەنابەری وەربگرن و نیشتەجێببن”.
