نوچه‌نێت
ئه‌مڕۆ مه‌سرور بارزانى سه‌رۆكى حكومه‌تى هه‌رێمى كوردستان و خه‌لوسى ئاكار وه‌زیرى به‌رگرى توركیا كۆبوونه‌وه. حكومه‌تى هه‌رێم ده‌ڵێ دووپاتیان له‌سه‌ر سه‌قامگیرى و ئاسایشى ناوچه‌كه كردووه‌ته‌وه
حكومه‌تى هه‌رێم له‌سه‌ر كۆبوونه‌وه‌كه‌ى مه‌سرور بارزانى و خه‌لوسى ئاكار راگه‌یه‌نراوێكى بڵاوكردووه‌ته‌وه و ئه‌مه ده‌قه‌كه‌یه‌تى:
ئەمڕۆ سێشەممە 2021/1/19 مەسرور بارزانی سەرۆکی حکومەتی هەرێمی کوردستان پێشوازی لە خلوسی ئاکار وەزیری بەرگری تورکیا کرد.
لە دیدارەکەدا بارودۆخی عێراق و ناوچەکە و پەرەپێدانی زیاتری پەیوەندییەکانی نێوان هەرێمی کوردستان و تورکیا تاووتوێ کرا. جەخت لە گرنگیی هەماهەنگیی و بەردەوامیی پەیوەندی دۆستانە لە نێوان هەرێمی کوردستان و تورکیا کرایەوە . بەتایبەتی بەهێزکردنی هەماهەنگیی و هاریکاریی لە پێناو سەقامگیرکردنی ئاشتی و ئاسایشی ناوچەکەدا.
لە تەوەرێکی دیکەی کۆبوونەوەکەدا ، جەخت لە گرنگیی جێبەجێکردنی ڕێککەوتننامەی شنگال و دەرچوونی میلیشیا و هێزە چەکدارە نایاساییەکان کرایەوە لە پێناو ئاساییکردنەوەی دۆخی دەڤەرەکە و گەڕانەوەی ئاوارەکان بۆ شوێنەکانیان.
