(نوچەنێت)
كۆماری ئیسلامیی ئێران ڤاكسینێكی بەرهەمهێنراوی خۆی لەدژی كۆڕۆنا رادەگەیەنێ و دەشڵێ لەمانگی تەمموزی دادێ دەیخەنە بازاڕاوە.
مینوو موحرز، ئەندامی لیژنەی رووبەرووبوونەوەی کۆرۆنا و سەرۆکی تیمی پڕۆژەی بەرهەمهێنانی ڤاکسینی کۆرۆنا لە ئێران بە ماڵپەڕی ئیسنای راگەیاندووە، ڤاکسینی كۆرۆنای دروستکراوی ئێران، مۆڵەتی تەندروستی لە رێکخراوی خۆراک و دەرمان وەرگرتووە و پێشبینی دەکەن تا کۆتاییەکانی مانگی تەممووزی داهاتوو بخرێتە بازارەوە.
ئاماژەی بەوەشكرد، نموونەیەکی ئەو ڤاکسینە لەسەر ئاژەڵ بە سەرکەوتوویی تاقیکراوەتەوە و ئەگەر لەسەر مرۆڤیش هەمان کاریگەری هەبێت، سەرکەوتنی ڤاکسینەکە یەکلادەبێتەوە.
