نوچەنێت
كۆمیسیۆنی راگەیاندن و گەیاندنی سەربە وەزارەتی گواستنەوە و گەیاندنی عێراق ئەو بڕە پارانەی ئاشكرا كرد كە كۆمپانیاكانی موبایل لە عێراقدا لەنێوان ساڵانی (2014 تا 2020) قەرزداری حكوومەتن و تا ئێستا ئەو قەرزەیان نەداوە.
لەنووسراوێكی فەرمیدا كە لەلایەن كۆمیسیۆنی ناوبراو بڵاوكراوەتەوە كۆپییەكیش دەست (نوچەنێت) كەوتووە، ئاماژە بەو بڕە پارە قەرزانەی كۆمپانیاكانی موبایل لە عێراق دەكات لە ماوەی 6 ساڵدا .
لەناو ئەو كۆمپانیایانەی كە ناویان لە لیستی ئەو كۆمسیۆنەدا هاتووە هەریەك لە كۆمپانیاكانی (ئاسیا و كۆڕەك و زەین) هەن. ئاماژە بەوە كراوە كە كۆمپانیای زەین بڕی 3 ترلیۆن دینار و كۆمپانیای ئاسیاسێل بڕی 2 ترلیۆن دینار و كۆمپانیای كۆڕەكیش بڕی 735 ملیۆن دیناری عێراقی قەرزارن.
ئاشكراكردنی ئەو بڕی ئەو قەرزانە لەدوای ئەوە دێت كە لە پەرلەمانی عێراقەوە پەرلەمانتارێك داوای ئاشكرا كردنی كردبوو.
