نوچهنێت
دواى بڵاوبوونهوهى راگهیهنراوێك به ناوى” گوتهبێژێك له ئهنجوومهنى ئاسایش” كه بێ ئاگایى یهكێتى له گرتنى سێ گرووپهكهى دوێنێ راگهیاند، ئهنجوومهنى ئاسایشى ههرێمى كوردستان راگهیهنراوێكى تر بڵاو دهكاتهوه و دهڵێ تهنیا ئهو بابهته فهرمیین كه له ماڵپهڕى ئهنجوومهنى ئاسایشى ههرێمى كوردستان بڵاو دهكرێنهوه.
دوێنێ ئهنجوومهنى ئاسایشى ههرێمى كوردستان له راگهیهنراوێكدا گرتنى سێ گرووپى راگهیاند، كه ویستوویانه كارى تێكدهرانه له ههرێمى كوردستان بكهن و سهقامگیرى كوردستان تێك بدهن، دواى ئهوه راگهیهنراوێكى تر به ناوى “گوتهبێژێك له ئهنجوومهنى ئاسایش” بڵاوكرایهوه و بێ ئاگایى یهكێك له ئۆپراسیۆنى گرتنى سێ گرووپهكه رادهگهینێ.
ئهمڕۆ ئهنجوومهنى ئاسایش روونكردنهوهیهكى داوه و دهڵێ تهنیا ئهو راگهیهنراو و بابهتانه فهرمیین كه له ماڵپهڕى ئهنجوومهنى ئاسایش بڵاو دهكرێنهوه.
دهقى روونکردنەوەیەک لە ئەنجوومەنی ئاسایشی هەرێمی کوردستان:
تەنیا ئەو ڕاگەیاندراو و بابەتانەی لە سایتی فەرمی ئەنجومەنی ئاسایشی هەرێمی کوردستان (https://www.krsc.gov.krd) بڵاودەکرێنەوە، گوزارشت لە ڕای ئەنجومەنی ئاسایشی هەرێمی کوردستان دەکەن و هەر شتێکی تر لە دەرەوەی ئەم چوارچێوەیەدا بێت، دەڕبڕی ڕای فەرمی ئەنجومەنی ئاسایش نییە. هەموو هەوڵێکیش بۆ چەواشەکردنی ڕای گشتی و بۆ دژایەتیکردنی دەسەڵاتە فەرمییەکان ، لە ژێر هەر فشارێکدا بێت ڕەت دەکەینەوە. خەڵکی کوردستان دڵنیا دەکەینەوە کە ئەم هەوڵە نەزۆکانە، لە کارەکانمان ساردمان ناکاتەوە و بەردەوام دەبین لە دابینکردنی ئاسایشی هاووڵاتیان و پووچەڵکردنەوە و ڕێگەگرتن لە هەموو هەوڵێکی تێکدەرانە و هەموو ئەوانەی دەستیان لەم کارە تیرۆریستیانەدا هەیە ، ڕووبەڕووی یاسا دەکرێنەوە.
