حزبی بەعسی عێراقی راگەیاند كە عزەت دوری یەكێك لە دیارترین سەركردەكانی حزبەكەیان مردووە.
كەناڵ و ماڵپەری (السومریە نیوز) بڵاویكردووەتەوە كە حزبی بەعس ئەوەی راگەیاندووه كە ئەمڕۆ دووشەممە عزەت دوری لەتەمەنی 87 ساڵیدا مردووە . بێ ئەوەی هۆكاری مردنەكەی ئاشكرا بكات.
ناوبراو لەلایەن دەسەڵاتدارێتی عێراقییەوە داواكراو بوو و زۆرجاریش هەواڵی گیران و كوژرانی بڵاوكراوەتەوە ، بەڵام راست دەرنەچوو.
عزەت دوری ، یەكێك لە دیارترین پیاوانی سەدام حوسێن و لەساڵی 1979 وە تا 2003 جێگری سەدام حوسێن بووە.
ساڵی 1942 لەدایكبووەو لە ژیانیدا پێنج ژنی هێناوەو خاوەنی 11 كوڕ و 13 كچ بووە.
