بهبۆنهى جهژنى جهمایێ ئێزدییهكان سهرۆك نێچیرڤان بارزانى، دووپاتى دهكاتهوه لهسهر گهڕان و دۆزینهوهى ئێزدییه بێ سهروشوێنهكان بهردهوام دهبێت.
ئهمڕۆ نێچیرڤان بارزانى سهرۆكى ههرێمى كوردستان، به بۆنهى هاتنى جهژنى جهمایێ ئێزدییهكان، پیرۆزبایى له تهواوى ئێزدییهكانى كوردستان و جیهان دهكات.
له راگهیهنراوێك كه ماڵپهڕى سهرۆكایهتى ههرێم بڵاوكراوهتهوه، نێچیرڤان بارزانى جارێكى تر یادى باباشێخ رابهرى رووحى ئێزدییهكان دهكاتهوه و رێز له كارهكانى دهگرێ.
له كۆتایى راگهیهنراوهكهیش سهرۆكى ههرێم دووپاتى دهكاتهوه، كه بهڵێن به خوشكان و برایانى ئێزدى دهدات لهسهر دۆزینهوه و ئاشكراكردنى چارهنووسى بێ سهروشوێنانى ئێزدى بهردهوام دهبێت.
دهقى پهیامهكهى سهرۆكى ههرێمى كوردستان
سهرۆكێ ههرێما كوردستانێ جهژنا جهمایێ پیرۆز دكهت
جهژنا جهمایێ ل تهڤایا خوشك و برایێن ئێزدى ل كوردستانێ و ل ههر جههكێ جیهانێ بن پیرۆز دكهم، هیڤیدارم جهژنهكه ئارام و تهنا ب خێر و خۆشى دهرباز بكهن و جهژن و بیرهاتنێن داهاتى، د ڕهوشهكه باشتردا بۆ ههمیان ڤهگهڕن.
د ڤێ جهژنێدا كو ڤێ جارێ بێى مهزنێ ئۆلى یێ ئێزدییان خودێ ژێ ڕازى بابێ شێخ و بێى ڕێوڕهسم ڤهدگهڕیت، جارهكا دى سلاڤان ژ جانێ وى ڕا دهنێرین، وى و كار و خزمهتا وى یا ژبۆ ئێزدیاتیێ ب ڕێز و پێزانین ب بیر تینین.
د ڤێ ههلكهفتنێدا جارهكا دى ههمى خوشك و برایێن ئێزدى پشتڕاست دكهین كو ههتا خوشك و برایهكێ مهیێ ئێزدى، ڕهڤاندى و بێسهروشوین مابیت، ئهم دێ لسهر ههولێت ڕزگاركرن و ئاشكراكرنا چارهنڤیسێ وان بهردهوام بین.
دیسا جهما ل ههمیان پیرۆز بیت، ههر سال ب خێر و خۆشى.
نێچیرڤان بارزانى
سهرۆكێ ههرێما كوردستانێ
6/10/2020
