نوچەنێت
پەرلەمانی کوردستان کۆدەبێتەوە، خوێندنەوەی دووەم بۆ پڕۆژەیاسای لەئەستۆکردنی فەرمانبەران و ماف و ئەرکی نەخۆش دەکات.
بڕیارە دوای نیوەڕۆی ئەمڕۆ سێ شەممە، ١٥-٩-٢٠٢٠، پەرلەمانی کوردستان کۆببێتەوە و دەنگ لەسەر دووپڕۆژە یاسای گرنگ بدات.
پڕۆژەیاسای ماف و ئەرکی نەخۆش لە ١٧ ماددە پێکهاتووە و چەندین مافی سەرەکی دەداتە نەخۆش.
مافە سەرەکییەکانی نەخۆش –
-باشترین و نوێترین جۆری پشکنین و چارەسەری پێویست
– نەخۆش لە راگەیاندنەکان و سۆشیاڵمیدیا پیشان نەدرێت – پزیشک لە یەک کاتدا تەنیا یەک نەخۆش دەبینێت
-وەرگرتنی رەزامەندیی نەخۆش پێش ئەنجامدانی نەشتەرگەری
– هیچ جۆرە زانیارییەکی نەخۆش بێ رەزامەندی نادرێتە کەس
– خستنەڕووی تێچووی نەخۆشخانە و چارەسەر بۆ نەخۆش
– میراتگر یان پارێزەری نەخۆش مافی سکاڵا و داوای قەرەبووی هەیە
ئەرکی نەخۆش
– پابەندبوون بە یاسا و رێنماییەکان
– رێزگرتن لە کارمەند و دامەزراوە تەندروستییەکان
– پاراستنی کەلوپەل و ئامێرەکانی نەخۆشخانە
– پابەندبوون بە رێنمایی و ئامۆژگارییەکانی خزمەتگوزار پێشنیازە یاساکە جەخت لە پاراستنی مافی نەخۆش دەکاتەوە، بەڵام ئاماژە بەوەشدەکات دەبێت مافی پزیشک و کارمەندانی تەندروستیش بە باشترین شێوە پارێزراوبن.
