نوچە
فراکسیۆنی بزووتنەوەی گۆڕان لە پەرلەمانی کوردستان، گۆڕانکاری ناوخۆی لە پۆستەکانی ئەنجام داو سەرۆک و جێگر و بڕیاردەری فراکسیۆنەکە گۆڕدران.
فراکسیۆنی گۆڕان، بە بوونی 12 کورسی لە پەرلەمانی کوردستان، لەدوای پارتی دیموکراتی کوردستان (45 کورسی) و یەکێتی نیشتمانیی کوردستان (21 کورسی) سێیەم فراکسیۆنە.
رۆژی پێنجشەممە 27-08-2020 عەلی حەمەساڵح، دەستی لە پۆستی سەرۆكی فراكسیۆنی گۆڕان كێشایەوە، بەبێ ئەوەی هۆکارەکەی ئاشکرا بکات.
بەپێی زانیارییەکان، ئەمرۆ سەرۆک و جێگر و بڕیاردەری نوێی فراکسیۆنی گۆڕان لە پەرلەمانی کوردستان پێکدێن لە:
– دابان محەمەد، سەرۆکی فراکسیۆن
– ئاشنا عەبدوڵڵا، جێگری سەرۆکی فراکسیۆن
– جەلال محەمەدئەمین، بڕیاردەری فراکسیۆن
