نوچە
بڕیارە ئەمڕۆ (چوارشەممە 2-9-2020)، سەرۆكی ھەرێمی كوردستان، بە سەرۆكایەتی شاندێك، سەردانی بەغدا بكات و ئامانج لە سەردانەكەش كۆبوونەوەیە لەگەڵ ئیمانوێل ماكرۆن، سەرۆكی فەرەنسا.
درەنگانی شەوی 31/8/2020 ماكرۆن گەیشتە لوبنان و بڕیارە ئەمڕۆ سەردانی عێراق بكات. ماکرۆن لە بەغدا لەگەڵ سەرۆکی هەرێمی کوردستان، سەرۆک وەزیران، سەرۆک کۆماری عێراق و ژمارەیەکی زۆری بەرپرسانی سیاسی عێراق کۆدەبێتەوە.
بەپێی زانیارییەکان، پەیوەندییەكانی فەرەنسا و عێراق و ھەرێمی كوردستان و پاڵپشتییەكانی پاریس بۆ بەغدا و ھەولێر و شەڕی دژی تیرۆر و ئاڵۆزییەكانی ناوچەكە تاوتوێ دەكەن.
پێشتریش جان ئیڤ لودریان، وەزیری دەرەوەی فەرەنسا، کاتێک مانگی تەممووزی ئەمساڵ لە سەردانێکدا لە بەغدا رایگەیاند “دەبێت بەغدا خۆی لە ئاڵۆزییە هەرێمییەکان بەدوور بگرێت”.
